"مغامرة غير محسوبة".. كريم محمود عبدالعزيز يكشف تفاصيل مشاركته في فيلم "من أجل زيكو"

كتب- محمد أبوالمجد:

أكد الفنان كريم محمود عبدالعزيز، أن فيلم من أجل زيكو كان مغامرة غير محسوبة من كافة الأوجه، قائلًا: "إن المخرج بيتر ميمي كلمني وأنا في الساحل الشمالي وشرح لي تفاصيل الفيلم".

وأضاف "كريم" في حواره لبرنامج "صاحبة السعادة" على فضائية "دي إم سي" اليوم الاثنين: "لما سمعت وعرفت تفاصيل الفيلم قلقت في البداية لكني كنت واثق من المخرج بيتر ميمي لأني عارف أنه مش بيضيع وقت وقلت إني أكيد غلطان في قلقي".

وتابع: "بيتر ميمي بيسمع للجميع وبدأ بيشتغل على الفيلم وأنا في الساحل، وجاتني فكرة ليه ميكونش في رحلة الفيلم فيه فرح وفرفشة، ولما كلمته قالي شكلك عايز ترقص وقولتله اه".

وأوضح: "كان في معاد في المكتب ولقيت الملحن إيهاب عبد الواحد والكاتبة منه القيعي، وسمعوني أغنية الغزالة رايقة"، مؤكدًا: "لما لقيت منة شلبي في الفيلم قلت الدنيا بدأت تنور ولقيت كيمياء حلوة بينا".

وأشار إلى أنه لم يعمل من قبل مع أي فرد من أبطال الفيلم، مؤكدًا: "مكنتش متوقع نجاح أغنية الغزالة رايقة وقلت يوم ما تحقق أرقام هتجيب مليون مشاهدة لكن ربنا فتحها علينا، وبالمناسبة لحد آخر الفيلم وكنت فاكر إن الولد اللي معانا في الفيلم هو اللي غنى الأغنية".