"قلت له متشكر يا عم".. محسن محي الدين يروي أول حوار له مع يوسف شاهين

كتب- محمد جمعة:

قال الفنان محسن محيي الدين، إن فيلم "إسكندرية ليه" مع المخرج الكبير يوسف شاهين كان السادس في مسيرته، وسبقه المشاركة في أفلام "فرصة العمر" و"أوفواه وأرانب"، والأول كان فيلم "القاتل".

وأضاف محيي الدين، خلال حواره مع برنامج "كلمة أخيرة"، مساء الإثنين: "جالي تليفون بيقولى تعالى قابل يوسف شاهين، ولما شافني عجبته الحبوب اللي وشي، وطلب مني أجيب أصحابي".

وتابع: "يوسف شاهين قالي بيقولوا عليك ممثل كويس، فرديت وقلت له متشكر ياعم، فكان مبسوط من جرأتي وإني مش خايف".

واستطرد: "الدور اللي اختاروا ليا شاهين حولني من الفتى اللي مقضيها لعب، لواحد بيقرأ ويتابع ويتعلم، واتحولت في التمثيل من الهواية للاحتراف".

وتابع: "في وقت قلت له مش عايز اشتغل معاك تاني، ولم أندم إني سيبته".