رجاء الجداوي مشيدة بافتتاح "القاهرة السينمائي": "مش شايفة حاجة غلط بالمهرجان"

كتب - هاني صابر:

أشادت الفنانة القديرة رجاء الجداوي، بنجاح حفل افتتاح مهرجان القاهرة السينمائي في دورته الـ41، مضيفة: "دايما عيني بتلقط الغلط قبل الصح.. بس المرة دي مش شايفة حاجة غلط بالمهرجان أقولها".

وقالت رجاء، على هامش لقائها على السجادة الحمراء في حفل افتتاح الدورة 41 من مهرجان القاهرة السينمائي: "دايما في المهرجانات بحب أشوف كل زملائي، لتبادل الثقافات مع النجوم بمختلف الدول حاجة جميلة جدا، ودايما القوى الناعمة مؤثرة جدا في حياة الشعوب".

وأضافت: "محتاجين الفترة الجاية إن يكون عندنا أفلام عديدة تشارك في المهرجانات، لإننا عندنا نجوم تقدر تطلع حاجات كتير في السينما".

يُذكر أن الدورة الـ41 تشهد عرض أكثر من 150 فيلمًا من 63 دولة، من بينها 35 فيلمًا في عروضها العالمية والدولية الأولى، إضافة إلى 84 فيلمًا في عرضها الأول بالشرق الأوسط وشمال أفريقيا.