تامر حسني: "دخلت الألعاب النارية من 15 سنة بالحفلات.. والنهاردة بدخل تقنية الـ3d mapping"

كتب - هاني صابر:

أعلن الفنان تامر حسني، عن تقديمه لتقنية جديدة في الحفلات وهي الـ3d mapping ، والتي قدمها أمس الجمعة في حفل الجامعة الأمريكية بالتجمع الخامس.

وكتب حسني، عبر حسابه على "إنستجرام": "في حفلة الجامعة الأمريكية، أحب أشكر جمهور الحفلة الراقي على روحهم وطاقتهم الرهيبة وعلى حالة الحب المتبادلة بينا، عايز أقول من ١٥ سنة طورت المسرح المصري والعربي ودخلت الألعاب النارية وشاشة الليد العملاقة، وغيرت في رسمة المسرح الهندسية وإزاي الأغنية تكون ليها لوحة استعراضية".

وتابع: "وده طبعاً مجهود كبير من سنين وقدمت فيه شباب كانوا بيحلموا يكونوا مختلفين زي تامر يحيى وأحمد عصام ووليد الحريري ووليد منصور وتامر فوزي، النهاردة هما عمالقة المسرح في الوطن العربي كله، وطبعاً وليد منصور بقى من أهم منتجين السينما".

واستكمل: "لما كل المطربين الكبار مشيوا على النهج دا واستعانوا بكل العناصر اللي قدمتها، حسيت إني كنت صح .. ودلوقتي واجب عليا أقدم حاجة أجدد لينا كلنا كفنانين وللصناعة بشكل عام وهي تقنية ال 3d mapping on Led screens على يد عباقرة بجد هما وليد الحريري وتامر فوزي.. النهاردة أول مرة في تاريخ مصر أقدم للصناعة الـ 3d mapping ".

وأضاف: "شكراً للمهندسين اللي تحدوا نفسهم وليد الحريري وتامر فوزي، شكراً استاذ عماد نبيل والمهندس أحمد عبد القادر، شكراً للأستاذ منعم التصوير الفوتوغرافي ومحمد حامد مديري تصوير الڤيديو.. شكراً للمهندس المبدع أحمد عصام، اللي شرفنا في ختام البطولة الأفريقية واللي دايماً مشرفنا.. شكراً شباب الجامعة الأمريكية، واتحاد الطلاب اللي حضروا واللي نظموا بالشكل الراقي دا".

View this post on Instagram

A post shared by Tamer Hosny (@tamerhosny) on Nov 23, 2019 at 4:42am PST