تامر عاشور يكشف عن رأيه في أغاني المهرجانات (فيديو)
تامر عاشور
كتب- عبد الفتاح العجمي
كشف المطرب تامر عاشور، عن رأيه في أغاني المهرجانات، قائلا إن "سوق الغناء مفتوح، وعندنا ناس كتير بتقدم حاجات كتير، إحنا ليه بنتكلم عن المهرجانات بس؟".
وأضاف عاشور، خلال حواره بالبرنامج الإذاعي "عيشها بإنرجي": "بتوع المهرجانات الناس بتحبهم وبتسمعهم، وفي ناس فعلا بتقدم محتوى مبتذل ومينفعش تغني حاجة زي كده وتقول الكلام ده، ناس كتير ومشهورين بتغني أغاني غريبة جدا.. خلي عندك دم شوية".
وردا على سؤال: "هل ممكن تعمل مهرجان؟"؛ قال عاشور: "لأ لأ مش ممكن.. والسوق مفتوح للكل.. ولكن هل النوع ده هيستمر مع الناس ويتسمع كمان 10 سنين؟ ولا هي مجرد موضة وهتروح؟ شرط نجاح الأغنية هو استمراريتها".
يذكر أن آخر أعمال تامر عاشور كانت من خلال أول تعاون له مع الهضبة عمرو دياب، إذ لحن له أغنية "من العشم" في ألبوم الهضبة الأخير "يا أنا يا لأ" من كلمات المستشار تركي آل الشيخ، وإنتاج شركة "ناي".
View this post on Instagram
فيديو قد يعجبك:
