باسم يوسف: لهذا السبب ظهرت على كرسي متحرك

القاهرة- مصراوي:

كشف مقدم البرامج باسم يوسف عن أسباب ظهوره على كرسي متحرك مؤخرا، ونشر عبر حسابه الشخصي على موقع "انستجرام"، صور من داخل مستشفى في دبي.

وكتب باسم "السنة دي ابتدت باني مش عارف حتى أمشي أو أقف، اللي كنت فاكره مجرد مزق في عضلات الظهر طلع انزلاق غضروفي ، وسبب ليا ألم شديد جدا وعدم قدرة على الحركة".

وتابع باسم "في دبي صعب جدا الواحد يلاقي عناية طبية في وقت قليل وتقدر تثق فيها. لكن دكتور مدحت شلبي رئيس قسم التخدير وعلاج الألم جه بنفسه وخدني على المستشفى كأني اخوه مش مجرد مريض. اللي عمله معايا هو ودكتور أسامة الزمزمي رئيس قسم الأشعة ما يتوصفش. في يوم المفروض انه اجازة أحسن ناس كانت هنا بتتعامل معاه كأنه يوم عادي جدا شكرا جدا".

واستمر باسم في توجيه الشكر لطاقم الأطباء، مضيفا "شكرًا دكتور محمد رمزي أستاذ جراحة الأعصاب. سعيد اني شفت صديقي محمد حلفاوي من أيام الكلية، شكرًا يا جماعة على التلاتة مجم مورفين. انا ما عملتش دماغ امبارح بس دلوقتي متسلطن على الاخر.. احساس جميل انك تبقى داخل على كرسي بعجل وتطلع على رجلك. قريبا نعود لملاعب الإسكواش.. ملحوظة الدكاترة المصريين كالعادة مشرفينا في كل حتة".