هشام جمال يشكر دنيا سمير غانم على "نفس الحروف"

كتب- بهاء حجازي:

نشر المخرج والملحن هشام الجمال، عبر حسابه الشخصي بموقع "إنستجرام"، صورة تجمعه بالفنانة دنيا سمير غانم وفريق عمل "نفس الحروف" التي غنتها الفنانة دنيا سمير غانم مع مجموعة من الأطفال في اليوم العالمي لمتحدي الإعاقة.

وكتب هشام: "أنا عامل البوست ده مخصوص عشان أشكر، أولا: مادي أكتر واحد تعب في الأغنية دي، في اختيار المواهب المشاركة وفي التسجيل إللي اتعاد ٢٠ مرة ومعاه مهندس الصوت المحترم بيشوي مجدي، وطبعا التوزيع العبقري اللي هو معودني عليه دايما".

وأضاف هشام جمال: "ثانيا: محمود وأحمد أو زي ما دنيا اطلقت عليهم (چونسون آند چونسون) على مجهودهم وحبهم لينا وللشغل من قلبهم بجد ثالثا: عبد الرحمن واحمد ونيره ونانسي ومحمود رابعا: الشاعر الخلوق المحترم محمد إبراهيم ، خامسا: م. أمل مبدى المحترمة وكل فريق عملها".

وأنهى هشام جمال، شكره بالفنانة دنيا سمير غانم فكتب لها: "سادسًا: دنيا سمير غانم اللي بتجري أول واحدة عشان تعمل خير بدون ما تفكر في نفسها.. قلتلها: أنتي في الأغنيه هتكوني مغنية أقل من الولاد اللي معاكي.. ردت قالتلي: لو هاجي أقف وسطهم بس وهما يغنوا أنا معنديش مشكلة".

أغنية "نفس الحروف" من كلمات محمد إبراهيم، وهشام سليمان وألحان هشام جمال وتوزيع مادي، وتعاقد هشام جمال مع الطفل عبدالرحمن عادل على إنتاج أولى أغنيات عبدالرحمن تشجيعا له ومشاركة في الدور الذي تهدف إليه الدولة في الاهتمام بذوي الإعاقة واكتشاف الموهوبين منهم في المجالات الفنية.