خالد دياب يكشف عن تعرضه للسرقة.. على يد "خالتي أم علي"
كتب- عربي السيد:
كشف المخرج خالد دياب تعرضه للسرقة داخل منزله على يد شخص مجهول، بعدما عرض منزله للبيع.
وكتب خالد عبر حسابه الخاص عبر موقع التواصل الاجتماعي فيسبوك قائلًا: "عارض بيتي إلي عايش فيه للبيع فكلمني مواطن خليجي عايز يشتري البيت وجه أتفرج وعجبه البيت واتفقنا على السعر ومافاصلش في جنيه".
وتابع دياب": المشتري عرض يشتري كمان الفرش فوافقت عشان ما اتعبش في نقل الفرش المهم قالي أخد رأي مراتي في كام حاجه وقام مكلمها في التليفون، ووطى صوته فحسيت أنه محتاج شويه خصوصية".
واستكمل:" فقالي ممكن أطلع أبص على الأوضة الصغيرة تنفع مربية والا لا فسمحتله ورجع سألني هاتسيب التكيفات قولتله آه ثم هاتسيب التليفزيونات قولتله آه".
وأضاف دياب: "قولت لعيشة مراتي أطلع أقوله إنه ممكن يبني أوضة للمربية في الجنينة ويستغل هو أوض البيت لعيلته يمكن ده يأثر علي قرار مراته في الشرا، قالتلي ملوش لزوم".
وتابع عبر "البوست":"" يا عيشة أطلع أقوله البيعة هاتبوظ قالتلي خليها علي الله.. دقايق و نزل قالي تمام مراتي موافقه ساعة و نتقابل في البنك أكون جبت المحامي، أنا عملي و مش بتاع تضيع وقت، مراتي قالتلي شوفت ربنا سهلها أزاي!.. كان عايز يمشي أصريت يشرب حاجه لغاية ما رضي يشرب شاي".
وأوضح المخرج خالد دياب: "مشي وأنا طاير من الفرحة والادرينالين متدفق في عروقي عشان الديل إلي الراجل مانزلش فيه جنيه، نص ساعة و نزلت عشان أقابله في البنك لقيت مراتي بتكلمني بتقولي أنت خدت فلوس من شنطتي؟".
وأكد حصلي فلاش باك صاروخي.. قولتلها روحي شوفي أي فلوس في البيت ناقصة؟ قالتلي ايه؟ زعقتلها قولتلها روحي شوفي اي حاجه ناقصة حالا، رجعتلي بالخبر اليقين، البرنس سرق كل الفلوس في شنطة مراتي، وكلمته في التليفون طبعا مقفول.. عملت سيرش علي رقمه علي ترو كولر طلع خالتي ام علي".
وأضاف بحكي القصة لأحد أقاربي قالي حماه لسه معموله معاه بالنكلة...فلنتعظ من هذه النمرة.
يذكر أن أخر اعمال المخرج خالد دياب مسلسل "طايع" بطولة عمرو يوسف وإخراج عمرو سلامة
فيديو قد يعجبك:
