شقيقة سعاد حسني توضح لـ"مصراوي" حقيقة زواجها السري من منتج لبناني

كتبت- منى الموجي:

أكدت جنجاه شقيقة "سندريلا الشاشة العربية" الفنانة الراحلة سعاد حسني، عدم صحة ما قاله المنتج اللبناني شريف وحيد، والذي صرح بأنه تزوج من سعاد سريًا، بعدما تعرف عليها أثناء تصويرها فيلم "حسن ونعيمة" أول أفلامها، وأنه أقام معها في شقتها بالزمالك.

وتعليقًا على الخبر، قالت جنجاه في تصريحات خاصة لـ"مصراوي": "ده كلام هرتلة لما عملت الفيلم ده كانت قاصر عندها 15 سنة، هتتجوز إزاي وهي قاصر، تاني حاجة في الفترة دي مكنتش قاعدة في الزمالك، كانت مقيمة مع والدتها".

وأضافت "هو أي بني آدم يقول أي هرتلة، إيه اللي يثبت إنه اتجوز سعاد، لو عنده حاجة تثبت الكلام الفارغ ده، أنا هواجهه أنا أواجه الجن الأزرق، ليه بيطلع بعد وفاتها بـ17 سنة، عايز يظهر على جثمان سعاد حسني، حسبي الله ونعم الوكيل".

وتابعت "حرام عليكو ارحموها وارحمونا بقى، معندكمش غير سعاد عشان الناس بتحبها"، مؤكدة أنها لا تنوي مقاضاته، وأن الموضوع أقل من أن تتخذ فيه إجراء قانوني "هرفع قضية عشان هرتلة وجنان، لو طلع ورق هرفع قضية، وأي حد هيتكلم عن سعاد أنا هتصدى ليه تماما".