سما المصري تعلق على صورة عمرو دياب ودينا الشربيني: بنحشر نفسنا في اللي مالناش فيه"

كتب- مصراوي:

علقت الفنانة الاستعراضية سما المصري على الصورة المتداولة للفنان عمرو دياب والفنانة دينا الشربيني والتي ظهرا فيها وهما يمسكان بيد بعضهما البعض في مطار دبي.

ونشرت "المصري" عبر حسابها على موقع انستجرام، الصورة وعلقت عليها قائلة: "بالنسبة للناس اللي عمالة تهري على صورة عمرو دياب دي وبيقولوا إنها صورته مع دينا الشربيني.. أولًا وشها مش باين إذا كانت دينا ولا لا.. ثانيًا وحتى لو دي دينا، ما كل واحد حر يتجوزها يطلقها انتوا مالكم.. إحنا نبقى فرحانين لو عمرو أو غيره حب واحدة وارتبط بيها بالطريقة المناسبة له طالما مراته الأولانية عارفة ومش معترضة ولو معترضه هي حرة.. بيتها وجوزها وهي حرة معاهم".

وأضافت: "إحنا بقى بنحشر مناخيرنا ليه في اللي ملناش فيه.. إحنا نحشر نفسنا في أي حاجة إلا الجواز والطلاق والحاجات العائلية، ولو شيرين برضو اتجوزت حسام حبيب نقول لهم ألف مبروك ولو عمرو اتجوز دينا نقولهم ألف مليون مبروك.. وادعوا لي بقى أنا كمان عشان ترتاحوا مني".

الجدير بالذكر أن عمرو قد سافر إلى دبي مساء أمس لارتباطه بحفل غنائي كبير اليوم الجمعة بالقرية العالمية.