محمد دياب يرد على انتقادات إسلام البحيري لمعز مسعود: "ساب مصر بسبب التهديدات"

كتب- محمد مجدي:

دافع السيناريست والمخرج محمد دياب عن صديقه الداعية الإسلامي معز مسعود بعد الانتقادات التي تعرض لها من الباحث الإسلامي إسلام البحيري، على خلفية زواجه من الفنانة شيري عادل.

وأعاد "دياب" نشر ما كتبه اسلام البحيري عبر صفحته الشخصية بموقع التواصل الاجتماع "فيسبوك"، وكتب عليه: "بما إني تم التحفيل عليا قبل كده فعارف إن الرد على الكلام اللي بيتقال وقت الموجه عبث".

ورغم كده، بما إني شاهد علي كلام معز عن "خطوات الشيطان" بما إني من مؤلفيه فكلامه صحيح ودقيق، "خطوات الشيطان" كان البرنامج الدرامي الوحيد اللي اتكلم عن إرهاصات الإرهاب في ٢٠١٣ و٢٠١٤ وكلمه الدرامي تعني اللي كان على شكل مسلسل.

واستكمل: "وصناعه المسلسل اللي نزل ٢٠ يوليو ٢٠١٣ خدت قبلها ٧ شهور ما بين كتابه وإخراج وده يعني أن الأفكار المطروحة مقرره من أكتر من ٧ شهور مش زي ما الأستاذ إسلام فاهم إنه مشي مع الموجه بعد ٣٠ /٦.

وتابع: "البرنامج عرض بعد ٣٠ /٦ بأيام، والدنيا كانت مولعه وفضلت مولعه سنين ورغم كده عملنا موسم تاني أكتر جرأه وطبعاً بسببه كان بييجي تهديدات وأنا شاهد علي أن معز ساب مصر بسبب التهديدات دي".

وأضاف: "واضح طبعا إن الأستاذ إسلام غيران إن فيه حد تجرأ ودخل ولو من بعيد وقال إنه تضرر بسبب أحداث البلد غيره، و مسمي الكلمتين دول بتوع معز سطو علي بطولات الشعب المصري اللي هي بطولاته يعني، و على فكره الأستاذ إسلام وقتها فعلاً كان شجاع ودي حاجه تحسبله، ولكن المفروض إنك باحث وبتحلل التراث و تيجي بوضوح تلوي دراع كلمتين واضحين وتحللهم علي هواك، ده يخليك يا متعمد تغالط يا مبتعرفش تحلل وتستخلص من الكلام الواضح مع إنها المفروض شغلتك.. مش عارف مين فيهم أوحش؟".

واختتم كلامه: "حقك تنتقد اللي عاوزه في آراء وتصرفات معز أو غيره بس من غير تدليس للحقائق وعامة أوعدك لما هتجيلك وقعه وتلاقي موجه التشييل عليك مش هتلاقي من واحد زي معز غير الإنصاف وحسن الظن لأنه إنسان محترم ومن أحسن الناس اللي عرفتهم في حياتي.

يذكر أن الداعية معز مسعود تعرض لموجه من الانتقادات عقب إعلان زواجه من الفنانة شيري عادل الأسبوع الماضي".