رانيا فريد شوقي تنتقد ظاهرة الطلاق: الأولاد يدفعون الثمن
كتب-محمد مجدي:
علقت الفنانة رانيا فريد شوقي، على ظاهرة الطلاق والتفكك الأسري والتي تؤدي لانتشار الجرائم والأمراض النفسية والعنف الذي يشهده المجتمع، وذلك عبر صفحتها بموقع التواصل الاجتماعي "فيسبوك".
وكتبت "رانيا" متساءلة: "ليه لما بيحصل انفصال بين الأب والأم بتيجي النتيجة على الأولاد.. ليه الأب لما تبقي الأم هي اللي طلبت الطلاق بيعاقبها وحتى لو هو اللي طلق يقولها شيلي بقي عيالك ويروح هو يعيش حياته كأنهم مش عياله ومش بس كده بيذلهم على الفلوس كأنهم بيشحتوا وبيعقدهم تجاه أمهم وكأن مسؤليته انتهت مع الطلاق، وخصوصا لما تكون الست بتشتغل يقولك ماهي معاها فلوس تصرف على عيالها بقى مش هي اللي عايزة تمشي".
وتابعت: "واللي يضحك انه يروح يتجوز ويخلف تاني مش لما تشيل مسؤلية عيالك الكبار تبقي تروح تخلف وتزود ضحياك الأمثلة دي كتيرة للأسف.. واللي بيدفع التمن الأولاد وبعد كده نشتكي من المجتمع وقلة التربية واختفاء الإنسانية".
واستطردت: "الأغرب إن في أمهات كمان بتسيب عيالها للاب وهما في سن صغير أوي محتاجين الأم أكتر أو تاخد العيال بس طلع عين أبوهم عشان يشوفهم وتعتبرهم منجم الدهب اللي هتقلب بيه فلوس أبوهم وتستغله وإلا هحرمك منهم وهكرهم فيك وتبالغ في طلباتها عشان تاخد اكتر وأكتر ماهو باب رزق بقي".
وأضافت: "التفكك الأسري هو عامل أساسي في الجرائم والأمراض النفسية والعنف اللي بقينا عايشين فيها وعمالين نشتكي، والسخرية أن هما دول أكتر ناس حاسه إنها مظلومة وبتشتكي من البشرية للأسف المشكلة مننا فينا والله الواحد بيشوف وبيسمع مأسي توجع القلب وأولاد بيقطعوا قلبك مالهمش ذنب غير سوء اختيارنا في اختيار شريك الحياة اللي بيصبح أب او أم ولكنه لا يستحق ".
يذكر أن آخر أعمال الفنانة رانيا فريد شوقي مشاركتها في السباق الدرامي لرمضان الماضي، من خلال مسلسل "عوالم خفية"، الى جانب الفنان عادل أمام.
فيديو قد يعجبك:
