فيديو| العسيلي: أنا ممثل وحش ولو عملتها تاني تبقي "سبوبة"

كتب - ضياء مصطفى:

وصف الفنان محمود العسيلي أداءه في فيلم "خليج نعمة" بالسيء، رغم عدم وصول ردود فعل سلبية من الجمهور له.

وقال العسيلي، في حلقة برنامج "حفلة 11" الذي تقدمه سمر يسري على "on e": "أنا ممثلتش غير مرة واحدة في خليج نعمة، لو مثلت تاني غالبا هيبقي سبوبة، إلا لو خت كورسات تمثيل".

وأضاف: "أنا شايف إني مثلت وحش في المسلسل، رغم إن محدش قالي ده في وشي، يمكن بيقولوا من ورايا، أنا مخسرتش من التجربة لكن شايف إن الأداء مكنش كويس".

وتابع: "في كتابة الأغاني، أنا معنديش الملكة الرهيبة بتاعت إني اقعد اكتب دلوقتي، لكن باخد وقتي واكتب وبطلع دايما حاجات مختلفة، لكن الحاجة اللي أنا موهوب فيها هي الألحان والتوزيع".

محمود العسيلي: أنا مثلت وحش أوي في خليج نعمة ولو مثلت تاني هيبقى "سبوبة"#حفلة11#ON_E pic.twitter.com/3iYoAkBSTj

— ON E (@ONENT) March 27, 2019