خاص| أحمد التهامي عن فترة إصابته بكورونا: "لاعيبة الكرة كانوا بيسألوا عليا والفنانين لأ"

كتب - هاني صابر:

كشف الفنان أحمد التهامي، تفاصيل حالته بعد تعافيه من فيروس كورونا، لافتا إلى أنه بصحة جيدة.

وقال التهامي، في تصريحات خاصة لـ"مصراوي": "مفيش حد سأل عليا من الفنانين منذ إصابتي بفيروس كورونا".

وتابع: "اللي كان بيسأل عليّا وبيتصل بيّا أكتر هم أصدقائي من لاعبي كرة القدم".

وأوضح، أن معظم الفنانين من أصدقائه، ولكن أقربهم بالنسبة له خالد سرحان ونضال الشافعي وأحمد زاهر ومنة فضالي وإيهاب فهمي وحمادة هلال.

وحول دور نقابة المهن التمثيلية تجاهه بعد إصابته بكورونا، فقال: "النقابة مكنتش تعرف حاجة عن إصابتي، لأني مقولتش لحد، وأنا دايما مش بحب أصدر طاقة سلبية للناس، وفي الحقيقة الدكتور أشرف زكي مش بيتأخر عليا ولا على أي حد بيطلب منه حاجة".

وكان الفنان أحمد التهامي، أعلن مؤخرا عن تعافيه من فيروس كورونا المستجد، وكتب عبر حسابه على إنستجرام: "الحمد لله.. رجعت بعد تعب شديد وطويل مع الكورونا".

وتابع: "اللي يعرفني كويس يعرف إني مبتسم على طول، وعمري ما صدرت أي حاجة سلبية بمر بيها في حياتي مع إن الواحد بيمر بأصعب ظروف مر بيها في حياته من إحباط وغدر وانعدام الضمير في شغله".

وأوضح: "ربنا بيصبر الواحد على الشدائد، وبحاول أخرج دايما من التفكير في أي حاجة سلبية، عشان ما يبنش عليا الزعل لو قابلتوني وتزعلوا مني، وإنتوا أهلي اللي بحبهم ودايما بتساندوني بحبكم".

وأضاف: "الحمد لله رغم كل الظروف الصعبة بكون مبسوط، ومبتسم، عشان مؤمن بربنا، وعندي يقين إن الرزق بتاع ربنا، وبعتذر لو ضايقتكم بس دي أول مرة أفضفض معاكم".

جدير بالذكر أن آخر أعمال الفنان أحمد التهامي مشاركته في دراما رمضان الماضي بمسلسلي: "فارس بلا جواز" مع مصطفى قمر، و"أحسن أب" مع علي ربيع.