فريدة سيف النصر: "اتحسدنا في أهم مطربتين بالعالم العربي"

كتب- هاني صابر:

وجهت الفنانة فريدة سيف النصر، رسالة للمطربة أنغام بعد الأزمة الصحية التي تعرضت لها مؤخرا ودخلت على إثرها أحد المستشفيات لإجراء عملية جراحية.

وكتبت فريدة، عبر حسابها على إنستجرام: "سلامتك يا غالية يا أخت وصاحبة.. فرقتنا الأيام بمشاغلها ومشاكلها لكن في القلب مكانك دافئ.. سلامتك، سلامتك.يا أنغام".

وأضافت: "يا رب احنا اتحسدنا في أهم مطربتين بالعالم العربي.. بجد الله أكبر".

وأعلن الموسيقار محمد علي سليمان والد الفنانة أنغام، أمس الجمعة، عن تطورات الحالة الصحية لابنته ببرنامج "الحكاية" مع الإعلامي عمرو أديب: "الحمد لله ونشكر ربنا.. أنغام حالتها تحسنت، وبتتكلم وبتتحرك والأمور ماشية طبيعية، ومفيش أي ألم مضايقها، وكل حاجة مستقرة".

وكانت فريدة سيف النصر، دافعت عن الفنانة شيرين عبدالوهاب بعد الانتقادات التي تعرضت لها مؤخرا عقب عودتها لزوجها السابق الفنان حسام حبيب، خاصة بعدما تحدثت شيرين بأنها كان "معمول لها عمل هي وحسام".

وكتبت فريدة، عبر حسابها على فيسبوك: "شيرين كانت بتقول.. معمول لها سحر.. آه ممكن جدا.. المكتوب بيقول بيقدروا وبيجننوا ناس بيه كمان ويمرضوهم ويجلبوهم مسلوبين الإرادة، ومنهم يشتغل كتير وماديات وربنا سايبهم علشان يصدقوا نفسهم، فيفتكروه راضي، وفجأة ينقلب السحر على الساحر".

وتابعت: "هو ربنا كده مابيسيبش بس بيدي فرصة يمكن ترجع أو تتوب، والقلبة وحشة، ما تفهميش إزاي كله ضاع، هو كده، والمصيبة ما تقدرش خلاص تقول يا رب".

وأضافت: "قرأت أنهم بينضربوا في صحتهم، وفي رجليهم اللي راحت لعمل العمل وإيديهم ونظرهم.. إرجعوا كده لقصص الدجالين معظمهم مات إزاي.. الوعد الإلهي لهم الفقر لو بعد حين مهما كسبوا.. حقك وحق أي مؤذي هيرجع بقوة الله، وكل اللي متكل على شئ غير الله، ضاع عاجلا أم ٱجلا.. عالم خايبة".