ويجز يرد على اتهامه بالتعالي على مصطفى كامل:" لما ارجع مصر هقابله"

كتبت-بهيرة فودة:

عبر مغني الراب ويجز عن سعادته بالمشاركة بالغناء في كأس العالم،"عز العرب"، معتبرًا ماحدث رسالة لكل الشباب.

وقال خلال مداخلة هاتفية مع الإعلامي يوسف الحسيني ببرنامج التاسعة المذاع القناة الأولى المصرية، عن ما تردد عن وجود أزمة مع نقيب المهن الموسيقية مصطفى كامل: والله أنا بصراحة حاسس إن مفيش أي زعل، والراجل طلع قال إنه مفيش أي زعل وفعلًا يعني حاسس إن الموضوع كله ناس عايزة تفتعل مشكلة عشان تتفرج علينا وخلاص لكن أنا فعلا مفيش أي مشكلة من ناحيتي ولا أي مشكلة من ناحية النقابة".

ورد على اتهامه بالتعالي على النقيب قائلا:"غير حقيقي، وأنا بقالي شهرين بره مصر، ولما أرجع مصر هروح النقابة وهقابل النقيب مصطفى كامل، وأنا حاليا أعمل خارج البلد في حفلات عديدة، ومبسوط جدا بتمثيلنا بره، واقتربنا من حاجة بحجم كأس العالم، وما حدث دفعة كويسة لكل فنان عربي ومصري.

وتصدر مغني الراب ويجز التريند عقب عرض صورته في "تايم سكوير"، وتقديمه أغنية عز العرب، باستاد لوسيل في كأس العالم، وصرحت مصادر من داخل نقابة المهن الموسيقية بوجود أزمة داخل النقابة بسبب غناء ويجز بدون تصريح، وهذا ما نفاه نقيب المهن الموسيقية مصطفى كامل.