"معاناتي كبيرة لأني مش متعلم".. حمو بيكا يوجه رسالة لطلاب الثانوية العامة والجامعات

كتب- وائل توفيق:

وجه مغني المهرجانات حمو بيكا رسالة لطلاب الثانوية العامة والجامعات، وذلك عبر صفحته الخاصة بموقع التواصل الاجتماعي "فيس بوك".

وكتب "بيكا": "هو أنا آه مش متعلم وأخدت (محو الأمية) بالعافية لكن ده مش حاجة تفرح ولا تقول (عندك بيكا أهو مش متعلم بس ناجح)، صدقوني والله طعم النجاح مع العلم مختلف تماماً عن طعم النجاح من غير علم، العلم بيفرق في كل حاجة في الدنيا، كمية معاناة بشوفها يومياً بسبب إني مش متعلم كبيرة أوي مش بتمنى حد منكم يشوفها أو يتعرض لها، العلم بيستر كتير أوي وبيخليك واعي ومتفتح في كل مجالات الحياة".

وأضاف: "هو آه الشارع علمني كتير، بس مش زي المدارس والجامعات، حتى لو مش هتشتغل بشهادتك وحتى لو دخلت كلية مش بتحبها، بس يكفي إنك متعلم ومعاك شهادة تقدر تسد بيها عين الشمس، اتعلموا وخلوا بالكم من تعليمكم وشهداتكم لأنها هتفرق كتير أوي معاكوا ومع عيالكم بعد كده"

واختتم: "أنا آه مدخلتش مدارس ومتعلمتش، بس حابب كل اللي حواليا ناجح ومتعلم وواعي يوم تقول أهو فلان ناجح بس مش متعلم".

يذكر أن الفنان حلمي عبد الباقي، تقدم في فبراير الماضي، ببلاغ رسمي للنائب العام ضد مطرب المهرجانات حمو بيكا، عن طريق المستشار القانوني للنقابة ياسر قنطوش، وطالب فيه بالتحقيق مع حمو بيكا، عقب اتهامه في بعض البرامج التليفزيونية، أحد أعضاء مجلس إدارة نقابة المهن الموسيقية، بالرشوة وقبول أوراق مزورة ومخالفة القانون، كما زعم أنه كان يقوم بدفع مبلغ 15 ألف جنيه لأحد أعضاء مجلس الإدارة نظير استخراج التصاريح لحفلاته.

وقال الفنان حلمي عبد الباقي، في تصريح خاص لـ "مصراوي": "الحديث عن ذلك تكرر مؤخرا، رغم إنه غير صحيح إطلاقا، وأنا بصفة شخصية وأيضا كعضو في مجلس الإدارة، أقول لم تحدث أي جلسات أو وساطة حتى للتصالح".

وأضاف: "موقفي من البلاغ الذي تقدمت به إلى النائب العام، للتحقيق في ما ذكره بيكا، في عدة برامج عن وجود فساد في النقابة، مازال كما هو، ولم ولن أتنازل عنه".