محمد سامي يرد على هالة صدقي: ألذ صفصف

نشرت الفنانة هالة صدقي مقطع فيديو عبر صفحتها على موقع التواصل الإجتماعي "إنستجرام" وهي تشيد بالمخرج محمد سامي.

وقالت هالة صدقي: "بحبك وبحترمك وربنا يكرمك وينجحك كمان وكمان لأنك تستاهل وتستاهل بشكره لأنه قدم كل الشخصيات اللي حبتوها واللي عشنا كلنا معاكم في مشاهدتها أشكرك لأنك أسعدتنا كلنا مع جمهورنا في مسلسل عظيم".

وقالت هالة صدقي في الفيديو: "مخرج أكتر من رائع ومحترم ودؤوب وبيحب الفنان اللي حاسس بغيرته على شغله واهتمامه بالتفاصيل وبيكره الممثل أو أي حد مبيديش الأهمية اللي هو حاسسها، وبشكره لأنه أعاد السنة دي اكتشافي مرة تانية بجد واحترم تاريخي وشغلي وموهبتي، وقدمني على أحلى وجه بشخصية صفصف التي ابتكرها".

وأعاد المخرج محمد سامي نشر الفيديو عبر صفحته على موقع "إنستجرام" وكتب: "يا أستاذة أنا اللي بشكرك وبحبك ويا بختي إني بقى مكتوب في تاريخي إني اشتغلت مع الأستاذة هالة صدقي.. ربنا يخليكي لينا يا أجمل ملكة وألذ صفصف".

مسلسل "جعفر العمدة" بطولة: محمد رمضان، زينة، هالة صدقي، إيمان العاصي، منة فضالي، مي كساب، أحمد داش ونخبة من النجوم وهو من تأليف وإخراج محمد سامي.