صفاء أبو السعود عن سهير الباروني:"كانت بتبعت الطيارين تجيب اللحمة من مصر وهي مسافرة"

تحدثت الفنانة صفاء أبو السعود، عن ذكرياتها مع الفنانة الراحلة سهير الباروني.

وقالت صفاء أبو السعود، ببرنامج "ليالينا" المذاع على قناة الفضائية المصرية، تقديم الإعلامي محمد السماحي: "عايزة أقول عملنا مع بعض حاجات كتير جدا وكان لينا ذكريات كتيرة ولذيذة، وسهير كانت إنسانة جميلة وأم جميلة عندها عطاء سواء لأهلها أو للغير.. كانت بتحب تعمل أي حاجة عشان تسعد أي حد وهي بسبب إيمانها وحاجات كتير قوي حلوة كانت بتعملها أكيد هي في مكان أحسن بكتير، سهير الباروني اسمها يشرف وخفة ظل طبعا مش هتكلم عنها الجمهور نفسه يحكم عليها".

واستكملت حديثها عن الفنانة سهير الباروني، قائلة: "هي شخصية في منتهي خفة الظل وخفة الدم ومفيش بلاتوه أو استديو تكون هي موجودة فيه نتخانق أو نزعل أو حاجة لأنها عاملة جو عجيب في قلب الاستوديو سواء هي في أوضة الملابس سواء في أوضة المكياج يعني شخصية حلوة قوي بقول الكلام ده وأنا طبعا شاهدة عليه مع مجموعة من الممثلين الكبار كان كلهم بيقولوا عليها نفس الكلام ده".

وروت صفاء أبو السعود موقفا للفنانة سهير الباروني، قائلة: "كانت مبتكلش اللحمة غير من راجل معين ومتحبش تاكلها برة مصر، ولو سافرنا بره تبعت مع الطيارين أو حد يروح مصر لراجل معين يجبولها اللحمة ويطبوخلها في الفندق، وده حصل لما كنا مسافرين مع بعض قطر".

يذكر أن الفنانة الراحلة سهير الباروني، واحدة من أبرز الكوميديانات في تاريخ الدراما والسينما المصرية، ورحلت عن عالمنا في 31 يناير 2012، وقدمت عددًا من الأعمال الفنية منها "لن أعيش في جلباب أبي" ، "مغامرات زكية هانم" ن "فرقة ناجي عطالله" ، "للثروة حسابات أخرى".