سيد صادق: أشرف زكي لم يتغير منذ ٣٥ سنة ولن أقبل بأي عمل يقلل من تاريخي

كتبت- منال الجيوشي:
عبر الفنان سيد صادق عن سعادته بتكريمه عن مسيرته الفنية خلال مهرجان القاهرة للدراما في دورته الثانية قائلا: شعور جميل وأتمنى يدوم لأني حسيت إن الدولة والنقابة بيفكروا الناس بالفنانين اللي الناس قربوا ينسوهم
كما وجه نصيحة للفنانين خلال مداخلة هاتفية عبر برنامج "فيس أوف" على شاشة قناة هي قائلا: لازم يكون عندك مجال آخر للرزق لازم تسعى علشان الرزق وعلشان متتبهدلش ويقولوا عليك مش لاقي تاكل وبتشتغل سواق تاكسي.
كما تحدث عن الأعمال التي تعرض عليه قائلا: في أعمال سينمائية بتتعرض عليا بيكون المنتج جاي ومتعشم أوي، طيب أشوف اسم البطل اللي هيشيل الفيلم ألاقي أسماء ضعيفة جدا جدا عشان كده مش هقدم أي عمل لأني بكتفي بتاريخي وأعمالي اللي قدمتها أنا وضعي مستور والحمد لله عيالي عايشين العيشة اللي كنت بتمناها لهم.
كما كشف عن دور النقابة في رعاية الممثلين قائلا: عندنا في النقابة نقيب من أحسن الناس اللي مسكوا النقابة لأن النقيب ده دكتور أشرف زكي اللي بعرفه من ٣٥ سنة هو هو متغيرش وبيخدم الناس بطريقة مهولة فمن حظنا إن أشرف زكي ربنا مسخره للنقابة وخدمة الناس .
برنامج "FACE OFF" تقدمه الإعلامية سارة نخلة على شاشة قناة "هي" يوميًا من السبت إلى الإثنين وتستضيف عددا من نجوم الفن وتناقش القضايا المطروحة بين الجمهور.