"عامل فيها مؤمن".. متابع يهاجم نجل محمد ثروت ورامي رضوان يرد

كتبت- شهد القاضي:

شارك المخرج أحمد ثروت نجل الفنان محمد ثروت منشور جديد عبر إنستجرام

ونشر تعليق أحد المتابعين على منشور له بموقع "فيسبوك" وهو يهاجمه هو ووالده، وجاء فيه: ""أبوك طلع معاه فلوس أهو وبيعالجك كويس، أمال مش بيتبرع للبلد ليه؟".

ليرد عليه أحمد ثروت قائلا: "أستاذ سمسم مساء الفل، كل اللي عالبر عوام.. التنظير في المرض مؤلم لصاحب الاختبار جدا، وكل اللي أقدر أقولهولك يارب ما يعرضك إنت أو أولادك أو والدك أو والدتك بمرض زي اللي عندي اللي لو معاك فلوس الدنيا مش هتفيدك من غير رحمة ربنا عليك ودعوات الناس".

وأضاف: "أنا معرفش حضرتك بس صدقني عمري ما أتمنى ليك دقيقة ألم من اللي بتعرض لها يوميا حتى لو معاك مال الدنيا وبتتبرع للبلد كل يوم.. يومك جميل وربنا ما يكتبها عليك وإن شاء الله متشوفش وحش في أي حد بتحبه في اختبار زي ده".

وكتب "ثروت" معلقا: "مشكلة السوشيال ميديا في بلدنا مالهاش ظابط ولا رابط.. و في وقتنا الحالي بعض الناس ماسكة الموبايلات بتكتب ما يحلو لها وتدي لنفسها حقوق وصلاحيات الثواب و العقاب و الانتقاد والتنظير والحكم المطلق، والصفات دي معظمها صفات الخالق عز وجل".

وأردف: "يمكن عشان النهاردة أول مرة أتعرض لموقف زي ده حبيت أعرف رأيكم في ده، هل هو تنمر ولا جهل ولا حد فاقد معنى حياته وبيكتب كلمتين بيفرغ فيهم طاقته؟.. كل ده مش مهم المهم إن ربنا كرمني بناس جميلة وحلوة أعرفها و معرفهاش بشكر ربنا عليهم كل يوم كانوا السبب إن ربنا يبصلي ويستجيب لدعواتهم وابتدي اخف .. وشكراً إنك مسحت التعليق".

وانهالت على نجل محمد ثروت، تعليقات الجمهور ومن بينهم الإعلامي رامي رضوان، وعلق قائلا: "يا أحمد ولا ترد على أمثال هؤلاء.. عامل فيها مؤمن.. وتعليقه بيأكد إنه ولا فاهم أي حاجة في الدين، وصدقني ربنا هيكرمك وهتخف قريب بإذن الله.. لكن هذا الشخص علته ومرضه النفسي والعقلي مالهومش دوا غير لو ربنا رضي عنه ونظف له قلبه ونفسه".

وأضاف "رضوان" : "سيبك منه ومن اللي زيه لا ينفع معاهم كلام ولا احترام ولا نصيحة ولا هيفهم أدبك ومعنى ردك.. ربنا يحفظك ويبعد عنك كل شر وكل نفس مريضة خسيسة ويحصنك".

وعلقت الفنانة راندا البحيري، وكتبت: "إنت بتشكره إنه مسح التعليق؟، ده مسحه خوفاً منك مش أكتر".

وجاءت تعليقات الجمهور كالتالي: "اللي زي دول ما تردش عليهم"، "ربنا يشفيك كلنا بنحبك وبندعيلك سيبك من الأشكال دي"، "ربنا يهدي الناس"، "الواحد مبيتعظش غير لما ربنا بيبتليه".

وكان أحمد ثروت أعلن عن شفائه واستجابته للعلاج بعد مرور 160 يوما منذ إصابته بمرض نادر في الجهاز العصبي (متلازمة الميلر فيشر)، التي اضطر بسببها للسفر إلى ألمانيا لاستكمال رحلة علاجه هناك.