أحمد ثروت يؤدي مناسك العمرة بصحبة زوجته (صور)

كتبت- بهيرة فودة:
نشر الفنان أحمد ثروت صورًا تجمعه بزوجته، عبر حسابه الرسمي بموقع "إنستجرام"، أثناء أدائهم مناسك العمرة بمكة المكرمة.
وعلق ثروت على الصور:" الحمد الذي رزقنا إتمام العُمرة، اللهم تقبلها منا يارب العالمين، أكتر حاجة كان نفسي أعملها وأنا واقف على رجلي إني أزور بيت ربنا و اعمل العمرة… والحمد لله تمت النهاردة".

وأضاف:"كذا مرة في خلال السنة اللي فاتت وأنا على الكرسي تترتب وعلى آخر لحظة يحصل مانع صحي ليا إني أروح، كأن ربنا بيأجلها وحابب يفرحني أكتر وأكتر إني أروح بيته وأنا واقف على رجلي مش على كرسي وإني أكون فهمت رسالته ليا السنة اللي فاتت دي كلها".

وتابع:"أنا جيت أشكر ربنا على الخير اللي أنا فيه دلوقتي، حتى لو مش متعافي ١٠٠٪؜ بس الحمد لله إني خفيت وعايش وراضي ومبسوط وأهلي حواليا، معاني تبدوا بسيطة بس فيها بركة من ربنا والبركة مش الفلوس ولا النجاح، البركة في أن يعدي شهر واتنين وتلاتة وسنة.. وانت مش مضطر تروح للدكتور لأن ربنا مبارك في صحتك أو تأكل أكلة نفسك فيها من غير ما تتعب أو تروح حتى الحمام من غير مساعدة حد".

وأكمل:"الخلاصة، خليك مؤمن إن ربنا مش بيسيب حد بيحبه ولما بتؤمن من جواك بيعوضك ويخليك ناسي انت خسرت ايه، وربنا يكتب لكل المسلمين زيارة بيته الحرام".

يذكر أن الفنان أحمد ثروت احتفل بزفافه على لمى الشواربي يوم 25 نوفمبر 2023.

View this post on Instagram

A post shared by Ahmed Sarwat (@ahmedsarwat)

اقرأ أيضا:
رمضان 2024.. موعد عرض مسلسل "لحظة غضب" بطولة صبا مبارك