"ربنا نجاني".. رضا إدريس يكشف تفاصيل إصابته بذبحة صدرية وغيابه عن الساحة الفنية

كتب - معتز عباس:

حل الفنان رضا إدريس، ضيفًا على قناة "ألفا اليوم"، ليتحدث عن أزمته الصحية الأخيرة، وأسباب غيابه عن الساحة الفنية.

وطمأن "إدريس" جمهوره، قائلًا: "الحمد لله أنا بخير وربنا كان معايا ومسابنيش لأن كان عندي ذبحة صدرية حقيقية، وربنا نجاني، والدكاترة قالولي إحنا مالناش يد في حاجة، وأصيبت بذبحة صدرية غير مكتملة".

وعن أسباب تعرضه لتلك الإصابة، أوضح:" كنت في اسكندرية مع أصدقائي كان عندي مشكلة بخلصها وانفعلت كتير والإصابة حصلت بسبب الانفعال والبكاء، وأنا سايب كل حاجة على ربنا".

وعن غيابه عن الساحة الفنية، أضاف رضا إدريس، قائلا: "الناس بتقولي في الشارع أنت فين يا عم رضا إزاي انت مش في الفيلم والمسلسل في الأعمال الفترة دي إزاي، إحنا عايشين الحمد لله في دم الشعب المصري، الشعب حافظنا وحبنا وعاشرنا، الناس معانا بتشوفنا ومن إحنا شباب لغاية وقتنا دلوقتي، أنا موجود مع الناس ومع الجمهور بس للأسف ياريت الوسط الفني يحبني قد ما الجمهور بيحبني".

وتابع: "أنا كنت قاعد سنتين مشتغلتش خالص، برمضانين وعيدين ورمضان اللي فات قاعد بتفرج وبقول يا رب هو أنا مش معاهم في مصر؟، أقسم بالله كان فاضل يومين على ليلة القدر وقاعد في بيتي ربنا ساترني وقاعد بكلم ربنا بقوله يارب هو أنا مش معاهم ولا أنا ظروفي كده، جالي تليفون من زميل علشان نشتغل مع بعض في مسلسل أمريكي مشهور جدا أخد جائزة جولدن جلوب".

يذكر أن اخر مشاركات الفنان رضا إدريس كانت بمسلسل "أعلى نسبة مشاهدة" وعرض بموسم دراما رمضان 2024.

اقرأ أيضا..

أول تعليق لـ بسمة بوسيل بعد انتهائها من تصوير أول كليباتها الغنائية

ياسمين رئيس بـ"نظارة غريبة" خلال استمتاعها بعطلتها الصيفية .. صورة