لحمة كتف ضانى بالتوابل مع بطاطس مهروسة

و هذا معدل صحي: 1- باني بمنع أكل النشويات و السكريات و الفاكهة بعد المغرب لأن الجسم لا يحرقها جيدا بل يحولها دهون حتى تخزن في الجسم. 2- أكل وجبات صغيرة على مدار اليوم لا تتعدى ال200 سعر للحفاظ على معدل سكر الدم في الجسم بالتالي للحفاظ على مستوى الحرق على مدار اليوم و يفضل لو يكون وجبة من نوع واحد لهضم أفضل. 3- تقليل السكريات و الدقيق الأبيض و المشروبات المحلاه لأن كل ده يجعل الجسم في حالة تخزين دهون لمدة ساعتين بعد الأكل فلا يحرق أبدا و اذا استمرينا نشرب سكريات او ناكل نشويات كل ساعتين حيفضل الجسم في حلقة مغلقة من الجوع و تخزين الدهون. 4- أكل البروتينان بأشكال كثيرة مدار اليوم يساعد على الشبع المستمر و حرق الدهون و لكن لا تفرطوا لأن الافراط يضر أعضاء بالجسم مثل الكلى. 5- شرب الماء
مهم لتنشيط كل الأعضاء و منهم الكبد لحرق أفضل فالبول لابد أن يكون لونه فاتح لضمان أن الجسم يخرج المواد التي حرقت بصورة طبيعية فاللون هو المؤشر لكم. بالاضافة ان احيانا الجسم يكون في احتياج الى ماء لكن باشارة خاطئة من المخ نعتقد اننا في احياج الى الاكل فناكل اكل اضافي بدون لازمة. 6- اكل البروتين في الليل قبل النوم بثلاث ساعات و خالي من الدهون مثل زبادي اللايت او جبن قريش أو فيتا لايت يساعد على التخسيس لأن هرمون التخسيس الأساسي يعمل أثناء النوم و يخمل تماما من النشويات و السكريات.. عند عمل هذا الهرمون بكفاءة ممكن يحرق حتى 80 جرام دهون صافي في كل ليلة. خصوصا الزبادي قبل النوم بعصرة ليمونة يحفز هذا الهرمون بشدة. 7- فحص الغدة الدرقية و فحص الحساسية من أطعمة مهم جدا جدا لأن الأطعمة ممكن تكون صالحة للرجيم و لكن لا تناسب جسمنا فتسبب التخن و التعب و الصداع و الانتفاخ كما يحدث لي عند أكل البرتقال و العيش فبتجنبهم تماما لتهيئة جسمي للقدرة على التخسيس. 8- منع الدهون المضرة و هي الدهون الحيوانية و أكل الدهون المفيدة مثل زيت الزيتون و الكتان و الصويا و المكسرات و الأسماك الدسمة كالسلمون و الماكريل في اطار السعرات المسموحة لتحفيز الحرق. 9- أكل الشوربات و السلطات قبل أي وجبة أحسن طريقة لتقليل تناول كميات من الوجبة الرئيسية لأن الشبع يبدأ تلقائيا من المخ بعد 20 دقيقة.. و لكن راعوا أن السلطات و الشوربات تكون أقل دسم و نشويات بيضة ممكنة. 10- هذه أهم نصيحة في الاخر و هي بعد كل ثلاث أيام مما ذكرت نحاول أن نخصص يوم لتناول كميات صغيرة جدا من الأكل و الاكثار من الشرب مثل الشوربات قليلة السعرات و الماء.. فيوم واحد كل ثلاث أيام يحرق بشدة و يفرق على الميزان بدون ما يحفز الجسم لتحويش الدهون في الأيام المقبلة..  https://www.facebook.com/SallyFou2ad/posts/552047631536764
لحمة كتف ضانى
2 جرام حبوب كزبرة
2 جرام كمون
2 جرام كارى
ملح
1 لتر شوربة لحمة
2 جرام حبوب فلفل اسود
1 عود روزمارى
1 عود زعتر
1 فص ثوم
زيت زيتون
200 جرام بطاطس
40 جرام زبدة
فلفل اسود مطحون
أول حاجة تعمليها انك تخلى اللحمة من العضم.
بعد كده تلفيها رول وتربطيها بخيط طعام.
بعد كده ترشى عليها كلها ملح.
وتجيبى طاسة وفيها زيت زيتون، وتبتدى تشوحى فيها من كل الجوانب لغاية ما يتغير لونها، وبعد كده تغطيها وتسبيها.
بعد كده تفرمى الثوم مع الزعتر والروزمارى مع التوابل اللى عندك وتضيفيهم على اللحمة.
بعد كده تحطى اللحمة فى الفرن لمدة 3 ساعات على درجة 160 (على حسب قوة نار الفرن).
واثناء وهى فى الفرن تضيفى كل شوية كمية من الشوربة لغاية ما تخلص،
ولما تستوى، تطلعيها من الفرن، وتاخدى كل الشوربة اللى موجودة فيها، وتحطيها فى كاسارولة وتسبيها على النار لغاية ما ينقص ثلاث ارباعها، وترفعيها من على النر وتغطيها .
واثناء ذلك تكونى سايبة اللحمة تبرد، وبعد كده تفكى الخيط من عليها.
بعد كده تحضرى البطاطس المهروسة. اول حتجة تقشرى البطاطس وتغسليها وتقطعيها قطع صغيرة.
بعد كده تجيبى حلة صغيرة غويطة فيها مية وملح، واول ما تغلى تحطى فيها البطاطس لغاية ما تستوى.
بعد ما تستوى تهرسها، وتضيفى عليها الزبدة مع الملح والفلفل الاسود المفروم، وتخلطيهم مع بعض كويس.
بعد كده تحطى البطاطس فى اطباق اشكار عندك، بحيث انها تاخد شكل عند التقديم.
بعد كده تاخدى اللحمة تانى وتحطيها فى الفرن لمدة 5 او 10 دقايق،لغاية ما لونها يغمق شوية.
بعد كده تقدميها فى وسط الطبق، وترشى حواليها بالمعلقة من الباقى من الشوربة اللى عندك.
وجنبها فى الطبق تقدمى البطاطس المهروسة بشكل القالب اللى كانت فيه. وبالهنا والشفا