زوجة مؤسس فكرة "تزوج بـ 4 آلاف جنيه؟" تحذر الفتيات.. "مترخصيش نفسك"

كتبت- هاجر حاتم:

حذرت فتاة تدعى منى الحسيني الكثير من الفتيات والبنات من التهاون في حقوقها أثناء الزواج، مثل المهر والشبكة و"القايمة" والمؤخر، وذلك بعد المشاكل التي واجهتها بسبب زواجها بأقل التكاليف والذي تنازلت فيه عن أغلب متطلبات أى عروس.

وقالت "منى" عبر حاسبها الرسمي على موقع التواصل الاجتماعي فيسبوك "بسم الله أول كلمه فى 2018 هيا لكل بنت اوعى اوعى تتجوزى زيي من غير حقوقك فقايمة ومؤخر وانا بعترف انى كنت غلط لما اتنازلت عن حقوقى ووقفت جنب الراجل اللى اتجوزته ودلوقت بدفع التمن وبتهان ومبقاش عاوزنى ولا عاوز يخلف وبقيت غلطه ومرحله فحياته واكتشف انه لسا صغير وبعد ما خلص الأقساط اللى عليه وجدد عقده ومرتبه زاد بعنى وعاوز يطلقنى وحتى مش معترف بنفقتى ولما عرف ان ليا نفقه بيساومنى عليها يا اما اطلقه طلاق ابراء وقالى انتى مش كاتبه حاجة ليكى اصلا وخد عفشى ورمانى على الارض بعد ما وقفت معاه ورضيت اعيش فمدينه تانيه ورضيت مخلفش علشانه".

وأضافت "وانا مكتبش لان مش الفلوس مش هيا اللى تضمن حقى ولانى كبيره وبحترم نفسي وقولت تبدأ سوا ونبنى سوا، بس فالأخر بقيت فنظره رخيصه ومليش حق وزى ما اتجوز ببلاش رمانى ببلاش، انا حدافع عن حقى حتى لو وصلت للمحكمه علشان انا قويه وليا حق"

يذكر أنه منذ عام ونصف تزوجت منى بأرخص التكاليف قٌدرت بحوالي 40 ألف جنيه مصري، حسب حوارها في أحد البرامج التليفزيونية، وفي هذا الوقت بدأ زوجها بإطلاق حملة للتشجيع على الزواج بأقل التكاليف، تحت مسمى "كيف تتزوج بـ 4000 جنيه في 90 يوم؟" وانتشرت على مواقع التواصل الاجتماعي بشكل كبير وسط ترحيب الفتيات والشباب بالتجربة التي انتهت بشكل مأساوي.