بالفيديو.. الجندي: الله سيحاسب الحكومة في الآخرة.. و"إحنا في عرض راجل ما بيشحتش"

كتبت - سماح محمد:

قال الداعية الشيخ خالد الجندي - عضو المجلس الأعلى للشئون الإسلامية- "إحنا لما بنلاقي واحد صالح بنلحس التراب وراءه، إحنا في عرض واحد بياكل حلال في الزمن الصعب ده".

كان خالد الجندي عرض مقطع فيديو لرجل مُسن يتجول في شوارع الإسكندرية بماكينة دفع إليكتروني لزيادة دخله، وعلق "الجندي"، خلال تقديم برنامج "لعلهم يفقهون"، المذاع على فضائية "dmc" مساء الإثنين، قائلًا: "إحنا في عرض واحد ما بيشحتش، الراجل دا مش ماسك طبلة وعايز مساعدة من الحكومة، مفيش شعب اتبسط من الحكومة، والأصل أن الشعب هو الذي ينفق على الحكومة وليس العكس".

وأضاف أن الله سيحاسب الحكومة في الآخرة، معقبًا: "الحكومة لازم ميكونش فيها فساد.. توفر المعاش والعمل قدر المتاح للمواطنين، لا بنحابي حد ولا على راسنا بطحة، إحنا مش عايزين من الحكومة كرسي وزارة أو مديرية".