شيلها من قاموسك.. رمضان عبد المعز يحذر الرجال من هذه الكلمة: تعدي لحدود الله

كتب- محمد قادوس:

شدد الشيخ رمضان عبد المعز، الداعية الإسلامي، على أهمية الالتزام بالفرائض التي فرضها الله، خاصة أن من الناس من يتهاونون في تطبيق حدود الله بشكل جاد.

وقال الداعية الإسلامي، الله فرض فرائض فلا تضيعوها، ما فيهاش هزار، وحد حدودًا فلا تعتدوها. زي إيه؟" انت طالق وعلى الطلاق، وعلى الطلاق أنت طالق، وعلى الطلاق تبقي طالق، إيه يا عم في إيه".

وتساءل الداعية، مرددا: "أنت ما قَرَأتش سورة الطلاق ولا إيه؟ ده ربنا قال إن دي حدوده، فلا تلعب بحدود ربنا، إيه الرجالة اللي كل ما يتنفس ده يتنفس بالطلاق؟ عايز يحلف على عياله بالطلاق، عايز يحلف على أصحابه بالطلاق، بيبيع حاجة يحلف بالطلاق، إيه يا عم في إيه؟ دي حدود ربنا، ألا تتخذ آيات الله هزوًا؟.

وأضاف عبد المعز خلال حلقة برنامج "لعلهم يفقهون"، المذاع على فضائية "dmc"، أن استخدام كلمة الطلاق بهذا الشكل يعتبر تعديًا على حدود الله، وقد جاء في سورة الطلاق أن "ومن يتعدى حدود الله فقد ظلم نفسه"، مرددا: "إحنا خايفين عليك يا أخي من عذاب ربنا، نداء إلى كل الرجال، إلى كل الرجال المحترمين، المؤمنين، المحبين لسيدنا النبي عليه الصلاة والسلام، شيل كلمة الطلاق دي من قاموسك".

وتابع: "الكلمة دي مش موجودة، مش موجودة، مش طالع طالق نازل طالق، انت طالق، تبقى طالق، على الطلاق. إيه يا عم في إيه؟ حدود ربنا، معقول يا جماعة الاستهانة بحدود الله؟ نتعامل كده بمنتهى البساطة يعني حدود ربنا؟ طيب، يبقى أن الله فرض فرائض فلا تضيعوها، وحد حدودًا فلا تعتدوها، وحرم أشياء فلا تنتهكوها.

وأوضح أنه يجب تعليم الأطفال الصغار، تعليم ما حرم الله، مثل تعليمهم فرائضه، قائلا: "لازم عيالنا يعرفوا إيه اللي لازم يتعمل و إيه لازم ميتعملش". هنا