"المصريين عملوا مظاهرة"..عمرو أديب معلقًا على احتفال أهل إمبابة بتفكيك قنبلة

كتب- محمد خميس:

علق الإعلامي عمرو أديب، على احتفالات أهالي إمبابة بعدما نجحت قوات الشرطة في تفكيك قنبلة بدائية الصنع بالمنطقة، قائلًا:"المصريين عملوا مظاهرة عشان القنبلة اتفككت".

وقال "أديب" خلال تقديمه لبرنامج "الحكاية" على فضائية "إم بي سي مصر": "ده شعب جبار، لا يمكن حد يعرف يقف قدامه، مفيش حد خايف وكانوا واقفين بيتفرجوا عالقنبلة".

وأوضح: "أخدوا الناس بتوع المتفجرات وعملوا لهم شاي وقهوة وغذاء، دول كانوا أكثر من تعداد قطر"، مضيفًا:"الإرهابيين دول أغبياء، واللي بيعملوه بيحقق نتائج عكسية عليهم، تحية لأهل إمبابة البطل، والله في ماتشات كورة مفيهاش الأعداد دي".