"حديث أصدقاء".. مدحت العدل عن التسريب الصوتي بينه وبين عمرو الجنايني
كتب- محمد خميس:
علق الدكتور مدحت العدل، الكاتب والسيناريست، على التسريب الصوتي الذي تم نشره قبل عدة أيام ما بينه وبين الدكتور عمرو الجنايني رئيس اللجنة الخماسية لكرة القدم، قائلًا: "معرفش ازاي طلع واتسرب، ولكني كنت بكلمه كصديق في إطار خناقات الكورة، وفوجئت بانتشار المكالمة مع أني مقولتش حاجة متجاوزة ولكنها رسالة خاصة مكنش ينفع تتطلع، ومش عارفين الرسالة الصوتية دي اتسربت ازاي، ولكني مُصر أن كل اللي قولته حقيقي".
وأضاف "العدل" في حواره لبرنامج "مساء دي إم سي" على فضائية "دي إم سي" اليوم السبت: "ببساطة عمرو صديقي وزملكاوي من بتوع الدرجة الثالثة ومتعود اتكلم معاه لوفي أي حاجة معجبتنيش"، موضحًا: "بما أنه مسؤول حاليًا ويعتبر رئيس اتحاد الكرة فيجب أن يكون هناك حساب للحكام في حالة خطأهم، وأنا دايما بكلمه وهو نفسه معترض على منظومة التحكيم أو على الأقل مش قادر عليها".
وتابع: "كنت بتفرج على مباراتي الأهلي والزمالك في نصف نهائي كأس مصر وراء بعض كده وكان في أخطاء تحكيمية فادحة، والحكمين اللي اعترضت عليهم اتوقفوا بعض المباراتين"، موضحًا: "نتيجة للأخطاء التحكيمية فأن طرفين النهائي كان ممكن ميكونش هما اللي بيلعبوا دلوقتي، وأخطاء التحكيم حددت وتدخلت لتحديد أطراف النهائي".
وأردف: "ببعت لعمرو بقوله يا عمرو أنت بتتفرج على اللي بيحصل، وقولتله لو مش قادر على المنظومة خلاص استقيل، والمكالمة بيني وبينه كانت خاصة وفي إطار الصداقة"، مؤكدًا: "التعصب الرياضي لا يأتي إلا في غياب العدالة ووجود الظلم، لأن اللعب العادل لا يوجد فيه ظلم، والتحكيم في مصر منظومة غير عادلة ودائمًا بها انحياز".
فيديو قد يعجبك:
