متعافية من الإدمان: صاحبتي ماتت بجرعة زائدة وكان بيني وبين الموت "مللي"

كتب- محمد أبو المجد:

قال الإعلامي شريف عامر، إنّ الشفاء من تعاطي المخدرات أمر ممكن رغم صعوبته.

وأضاف خلال برنامجه "يحدث في مصر" على شاشة "mbc مصر"، مساء الثلاثاء: "مدمن المخدرات يا يموت يا ربنا يشفيه.. عندي أصحاب ماتوا أو ربنا شفاهم من الإدمان".

وشدّد عامر على ضرورة التمسك بالأمل في التعافي من المخدرات وعدم اليأس من العلاج، مؤكّدًا أن هناك الكثير من النماذج التي نجحت في التوقف عن هذه العادة.

واستضاف الإعلامي شريف عامر، خلال حلقة اليوم من برنامجه، نماذج ناجحة في التخلص من الإدمان.

وقالت "خديجة" إحدى المتعافيات من الإدمان: "واحدة صاحبتي جاتلي من 3 سنين وبدأت رحلتي مع الإدمان وتوفت بسبب الجرعة الزائدة، ولما ماتت تعبت جدًا وبرده مكنتش عارفة أبطل ولما قابلت عطية المعالج بتاعي بردة مكنتش عارفه أبطل وقعدت فترة ودخلت جزئية الصورة السوداء، لأني دخلت في جرعات زائدة كتيرة أوي ومستشفيات كثيرة وكنت قبل الموت بملي يعني"

وتابعت: "شفت القاعات دي بطريقة تانية ومن بره ابتديت اخاف وأقلق وكنت متعافية وقتها لـ 13 يوم وكنت بحلم اني بشتري مخدرات في صحراء وأني هتمسك وبموت وابتديت اخاف واتبنى عندي الخوف وبدأت اقول لما ادي فرصة لنفسي، فهي القاع التعويرة اللي بتوجعنا ولما بنفتكرها بتيجي لحظة الانتباه عشان أوقف