"صوت الناس خلاني أقاوم".. تفاصيل إنقاذ فتاة سمنود من الغرق

كتب- محمد أبوالمجد:

كشف بدر السمنودي بطل واقعة إنقاذ فتاة سمنود، من أعلى كوبري طلخا على نيل المنصورة، تفاصيل الواقعة، قائلًا: "معدي بالعربية لقيت حد بيستغيث جامد حوالي 4 أو 5 أشخاص فنزلتلهم بسرعة بشوف في ايه، وببص لقيت حد بيغرق معرفش دا طفل ولا مين".

وأضاف "بدر" في مداخلة هاتفية لبرنامج "صباحك مصري" على فضائية "إم بي سي مصر2" اليوم الأحد: "أخدني الشعور بسرعة ومجرد ما بصيت كنت نزلت وأنقذت الفتاة، وبفضل ربنا وتوفيقة وصوت الناس دا خلاني أكمل والمشروع صعب عليا".

وتابع: "كان هدفي انقاذ البنت وطلوعها على كتفي، وإني أكون على طرف المشاية لأن التيار كان عالي ولو البحر خدني مكنتش هعرف أسيطر على نفسي ولا على الغريق"، موضحًا: "البنت كانت في عمر الزهور والمسؤولين استلموها وفريق الإنقاذ جه واطمئنوا عليها وعملوا اللازم لها".

واردف، بطل واقعة إنقاذ فتاة سمنود: "الناس كلها كانت بتشكرني وبتدعمني وصوت الناس كان بيخليني أقاوم وأكمل".