"شروع في قتل".. عمرو أديب معقبًا على ضرب سائق قطار الدقهلية بـ"الحجارة"

كتب – معتز عباس:

عقب الإعلامي عمرو أديب، على واقعة إلقاء حجر على زجاج القطار وإصابة خالد الخطيب، سائق قطار الدقهلية في عينه اليسرى مما تسبب في جرح طوله 3 سم.

وقال "أديب"، في برنامج "الحكاية"، المذاع عبر فضائية "ام بي سي مصر"، اليوم الإثنين، "مش قادر افهم ‘ن فكرة القطر معدي وواحد واقف يروح يضرب سواق القطار بطوبة يعوره، ونفسي افهم دا لية واية المتعة في ضرب سائق القطار بالطوبة".

وأضاف: "هذا الأمر بيتكرر كتير.. النهاردة الراجل سائق قطار شربين ومستغرب من القدرة والقوة ان في طوبة والقطار معدي تتضرب من واحد وتخترق الزجاج وتعور الراجل"، متسائلا: "هل دا امر محتاج دكتور نفسي؟!، سواق القطار دا بطل عظيم بعد ما تعور في عينه لو في أي حتة برة الدنيا تولع القطر يقف والناس تنزل، لكن السواق فضل مكمل بعد ما وصل المحطة وهو بعين واحدة وبينزف".

وتابع: "أنا مش فاهم ومش مستوعب اية المتعة في ضرب القطار بالطوبة، أي هي عقدة المصريين مع سواق القطر، والناس اللي بتضرب سواق القطر اكيد بيركبوا القطار انتا اية مشكلته مع القطار، احنا محتاجين طبيب نفسي ومش لاقي تفسير لما حدث، طيب لو السواق اغمى عليه والراجل بقى من غير قائد وداخل على مزلقان وماوقفش في المحطة هيحصل كارثة، لازم العيال دي بعد القبض عليهم يكونوا عبرة، لأن دي مش حادثة عارضة ومش إصابة عمل.. دا شروع في قتل".