"عايزة أساعد مصر".. ليلى بنس عن تكريمها كأفضل مستشاري إدارة الثروات بكاليفورنيا
كتب- محمد أبوالمجد:
علقت ليلى بنس، مديرة مؤسسة بنس بإدارة الثروات، على تكريم السفيرة نبيلة مكرم وزيرة الهجرة وشؤون المصريين بالخارج، لتصدرها قائمة "فوربس" كأفضل مستشاري إدارة الثروات للعام السادس على التوالي بجنوب كاليفورنيا، قائلة: "التكريم دا حاجة كبيرة أوي، لأني مصرية ومتشرفة بدا".
وأضافت "بنس" في مداخلة هاتفية لبرنامج "الحياة اليوم" على فضائية "الحياة" اليوم السبت: "في سيدات كثر يقوموا بالشغلانة بتاعتي ولكني إني أكون من الأوائل فدا حاجة كويسة أوي وكبيرة أوي".
وتابعت: " أنا بعمل الحاجات دي في شركتي بمساعدة فريق مكون من 26 شخص يعملوا معي ونجاحي بيحسسني أنهم بينجحوا كمان وببقى عايزة أنجح عشان ينجحوا معايا"، موضحة أن هناك تواصل مهم وكبير مع السفيرة نبيلة مكرم، وبحاول أساعد مصر في مبادرة حياة كريمة".
وأكدت: "بحاول أعمل كل اللي أقدر أعمله لأني عايزة أساعد مصر لأني بحبها أوي وبحب لمصر أوي وتحيا مصر".
فيديو قد يعجبك:
