عمرو أديب عن منح إجازة أبوة يومًا واحدًا حال إنجاب زوجته: خلوها 3 أيام
كتب- حسن مرسي:
علق الإعلامي عمرو أديب، على موافقة مجلس الشيوخ خلال الجلسة العامة برئاسة المستشار بهاء أبو شقة الوكيل الأول للمجلس، على منح إجازة أبوة للعامل عندما يرزق بطفل مدتها يوم واحد.
وقال أديب خلال برنامجه "الحكاية" على شاشة "mbc مصر"، مساء اليوم الأحد: "خلوها تلات أيام يا جماعة عشان الزوج يتابع مراته ويشوف طلباتها، ولنفترض يوم الإجازة مراته موضعتش يبقى سيبها ويرجع شغله تاني".
وأضاف مقدم برنامج "الحكاية": الأب له دور جنب مراته وعنده مشاعر تعب نفسيا كان قلقان فيه أزواج كتير بتكون قلقانة، ونفسه يفرح بالطفل ويشتري حاجات ويساعد مراته ويستقبل الناس اللي بتيجي تبارك له على المولود.
وأكمل الإعلامي عمرو أديب: "أغلب الناس في مصر عايشة في أوضتين وصالة الراجل مراته وضعت اديلة إجازة ياخد نفسه، متابعًا: "يا ريت لما القانون ينتقل لمجلس النواب يخلوا الإجازة 3 أيام مش يوم واحد، ده لو رايح يشتري حاجة من مصر الجديدة هيخلص اليوم".
فيديو قد يعجبك:
