عمرو أديب: "وصلنا لمرحلة من الكره والتدني أن في ناس عايزة مصر تبقى زاي سريلانكا"

كتب – معتز عباس:

علق الإعلامي عمرو أديب، على الاحتجاجات التي تمر بها دولة سريلانكا، نتيجة حدوث أزمة اقتصادية، مما دفع رئيسها للهروب خارج البلاد.

وقال "أديب"، في برنامجه "الحكاية"، المذاع عبر فضائية "ام بي سي مصر"، مساء اليوم الجمعة: "في دولة اسمها سريلانكا فجأة انهارت اقتصاديا والرئيس هرب والناس دخلت القصر ونطت في حمام السباحة ولعوا في البرلمان ومجلس الوزراء لغاية ما الجيش أطلق تحذير والناس خرجت وتم اختيار رئيس وزراء مؤقت".

وانتقد "أديب"، تصرفات بعض الأشخاص، قائلًا: "الموضوع غريب جدا الناس الفاسدة اللي قاعدين بقالهم يومين يقولوا ياريت مصر تبقى زي سريلانكا.. أنا أفهم تقول ياريت مصر تبقى زي سويسرا وسنغافورة إنما وصلت لمرحلة من التدني والكره أنه نفسك مصر تولع وتنزل على الارض، أنا لقيت هناك رغبة ان مصر تبقى زي سريلانكا يتجاب عليها واطيها واية الفايدة من كدا".

وأكمل: "بعض المتآمرين عايزين يهدوا البلد ويجيبوها على الأرض، فاكرين لما قالوا عايزين نوزع الفلوس على الناس وكل واحد قال هاخد كام دول برضو هما كدا، بتوع سريلانكا فاكرين هياخدوا حاجة".

وأردف: "انتوا عارفين هياخدوا اية في الأخر.. طبعا نفس اللي احنا اخدناه هو هو مفيش غيره، وانتوا عارفين هو ايه اللي اخدناه هو الفوضى، عشان محدش دماغه تروح في حاجة تانية".

وتابع: "هو في حد بيعمل نفس الحاجة كل مرة ويتوقع نتيجة جديدة، ما انتوا جربتوا دا احنا لسة بنشم نفسنا وبه نستعين لا هاتها على الأرض، لو ناويني تجيبوا الأرض أنا مش قاعد أنا عايز أروح أقعد في بلد الشعب اللي فيها مش عايز يجيبها الأرض لكن عايز يجيبها السما ويحافظ عليها مهما حصل".