عمرو أديب يمازح أمينة شلباية: "لازم أضرب المعلقة في الرز وأكل"

كتب- محمد أبوالمجد:

ردت أمينة شلباية، خبيرة الاتيكيت، على سؤال الإعلامي عمرو أديب، هل الإتيكيت علم أم ترجيحاتك للأمر ؟! قائلة: "أيوة طبعًا علم ومش هقول إني خبيرة اللي واخدة كورسات الدنيا أنا أخدت كورس إتيكيت عادي خالص، ولكني تربيت في بيت بيستخدم الشوكة والسكينة مش بالمعلقة، ومفيش حاجة بتتاكل بالمعلقة غير الشوربة".

وقال الإعلامي عمرو أديب خلال استضافته لأمينة شلباية في برنامجه "الحكاية" على فضائية "إم بي سي مصر" مساء السبت: "ممكن تقولي أي حاجة غير إن الرز بيتاكل بالشوكة الرز لازم أغرف أمال هنطلعه إزاي، أومال ليه بيستخدموا المعلقة؟!"، لترد أمينة: "المعلقة يتم استخدامها للشوربة، وصدقني جرب تاكل الرز بالشوكة هتستلذ من طعمه وهتلاقي طعمه أحلى".

وتابعت: "إحنا شعب محتاج يخس فخلينا ناكل بالشوكة والسكنية عشان نخس"، ليرد الإعلامي عمرو أديب: "لازم نضرب المعلقة في الرز عشان تكوم وتطلع كتير".

وأضاف "أديب": "إحنا بننقل الملوخية بالملعقة هناكلها بالشوكة ليه؟ لترد: "أي حاجة سائلة تتاكل بالمعلقة لكن لما بيكون في رز وملوخية لازم بالشوكة والسكينة ومفيش رز بيتاكل بالمعلقة".