الفاصوليا الخضراء تقفز فوق 30 جنيها في الأسواق

كتبت- إيمان منصور:

قفزت أسعار الفاصوليا الخضراء فوق 30 جنيها خلال اليومين الماضيين، ووصلت في سوق الجملة بالعبور إلى ما بين 20 و25 جنيها.

تقول هبه ربة منزل لأسرة من 5 أفراد، لمصراوي "اتفاجئت أول ماشوفت سعر الفاصوليا، كانت لسه من كم يوم ب،12 و13 جنيه، معرفش إزاي وصلت لـ 30 جنيه".

وأرجع يحيى السني رئيس شعبة الخضروات بغرفة القاهرة التجارية، ارتفاع أسعار الفاصوليا إلى تراجع المعروض منها في السوق لأن الفترة الحالية ليست موسم زراعتها.

وأضاف السني لمصراوي، "ده مش موسم الفاصوليا الخضراء علشان كده أسعارها بتزيد كل يوم عن التاني، وكمان بعض المزارعين بيفضلوا تجفيف المحصول وبيع الفاصوليا بيضاء بسعر أعلى وبالتالي المعروض منها بيقل أكتر".

وقال إن السوق يخضع للعرض والطلب، فإذا زاد الطلب عن كمية المعروض من السلع ترتفع أسعارها.

"في سلع تانية موجودة أرخص زي الكوسة والملوخية، بلاش الناس تشتري الحاجة الغالية وتكلف نفسها"، بحسب ما قاله السني.

وقال محمد منير، تاجر خضروات جملة بسوق العبور، إن الفاصوليا الخضراء تزرع زراعتها في فصل الشتاء، ولذلك المعروض منها بالأسواق قليل في الفترة الحالية، الأمر الذي رفع سعرها في سوق الجملة إلى 25 جنيها.

وأضاف أن "السلعة لما بيكون مش موسمها بتقل من السوق، والتاجر اللي بيبقى عنده كمية منها، بيرفع سعرها أكتر في الوقت ده، والفاصوليا لما بدأت تختفي خالص من السوق سعرها زاد أكتر".