بالفيديو- تسجيل صوتي لمبارك: لا يصلح لمصر غير السيسي

كتب – محمد الحكيم:

عرض برنامج ''الحياة اليوم'' المذاع على فضائية ''الحياة''، الأربعاء، تسجيل صوتي للرئيس الأسبق محمد حسني مبارك والتي أيد ترشح المشير عبد الفتاح السيسي، للرئاسة وكانت له العديد من الآراء في الأحداث الحالية.

اللقاء كان بين شخص يدعى محسن ومبارك كالتالي:

محسن: أزيك يا فندم أخبارك حضرتك أخبار صحتك

مبارك: أيوة يا محسن..ربنا يخليك

محسن: نفسنا نشوفك والله يا فندم ونقعد نسمع حضرتك ونتكلم معاك

مبارك: إن شاء الله شوفو ظروفكم 3 أو 4 وتيجي تقعدوا معايا شوية

محسن: ربنا يخليك يا فندم ..حضرتك مع السيسي ولا مش معاه

مبارك: مش قدامكم إلا السيسي دلوقتي

محسن: طاب يافندم أنت مطمن على مصر والإخوان موضوع انتهى واحنا خايفين على ولادنا

مبارك: أنا حذر جداً في الموضوع ده.

محسن: النهاردة بريطانيا يا سيادة الريس اعتبرتهم.

مبارك: أمريكا بتقول مش هنديكم الطيارات غير لما تدخلوا الإخوان عاوزين يرجعونا، وحاولوا معايا ومركعتش وتربست معاهم تماماً برفض برفض، وكنت برفض على طول.

محسن: بس قطر كدا بتحاصرنا وبريطانيا بتمارس ضغوط عليهم طبعاً الموضو بالنسبة لقطر تقلص؟

مبارك: كلهم بيدوروا على نفسهم وأحنا إن شالله نروح في داهية، أنا معنديش ثقة فيهم أبداً ومدام عندهم قاعدة أمريكية الأمريكان حاطينهم في جيبهم يروح الأمير بتاعهم يزور أمريكا ويقعد ثلاثة أسابيع عشان يقابلوه الرئيس بوش لا يقابله والأمريكان كدا.

محسن: دعم الإمارات ودعم السعودية؟

مبارك: بيدعمونا بس لازم نشتغل، مش هايفضلوا يدعمونا على طول واحنا ما بنشتغلش.

محسن: موضوع الممر بتاع قناة السويس المشروع.

مبارك: بسمع عنه طراطيش كلام لكن معنديش قناعة بيه، قناة السويس اللي عايز ياخد الفضة الشرقية كانت الاخوان المسلمين عشان يجيبوا شركات أجنبية، بباسبورات يهودية ويبنوا مشاريع لحد ما يوصلوا إلى العريش يبقى الله يعوض على سينا ويعوض علينا، وهاتبقى شركات اسرائيلية على طول، باسبورات امريكاني لكن جنسية اسرائيلية، طاب ما تيجي خليج السويس والعين السخنة، اشمعنا الضفة الثانية بتاعة قناة السويس، علشان واسعة ويتوسعوا بالتدريج يتوسعوا لحد ماي بقوا كلهم بباسبورات أجنبية وكلهم يهود، لكن بباسبوارت امريكاني يهودي بس بباسبور انجليزي وبعدين تبص تلاقينا ضعنا وهاتضيع مننا.

محسن: حمدين صباحي؟

مبارك: حمدين صباحي دا مفيش فايدة منه وما ينفعش ازاي يبقى رئيس بس أنا هاتجنن.

محسن: ياريته زي عبد الناصر بس التجربة مش كويسة؟

مبارك:سيبك من عبد الناصر، ده كلام مزيكا بيتمحكوا فيه، طيب ما عبد الناصر كان ماسكها بيد من حديد واللي يفته بقه يروح السكن، بيتمحكوا في عبد الناصر، وابن عبد الناصر يمشي معاه لكن لما يمسك هايشوط الناس بالشلوت.

محسن: تعرف يا فندم في ناس كتير عملت توكيلات لحضرتك ولجمال ابنك عشان تترشحوا في انتخابات الرئاسة.

مبارك:أنا خلاص تعبت هاقولك على حاجة أنا بشتغل بقالي 62 سنة 30 سنة حروب و30 سنة بخدم البلد.

محسن: بصراحة كان عندك راجل اسمه حبيب العادلي، الراجل ده مسك البلد مسكه من حديد والأمن بتاعها.

مبارك: طبعاً طبعاً مسك البلد من حديد لكن دلوقتي كل واحد بيدور على نفسه والبلد تروح في داهية مايجراش حاجة.

محسن: أنا كده انتخب السيسي عشان انت رشحته لي.

مبارك: أنتخب السيسي أحسن إنتخاب هو السيسي الوحيد الموجود على المسرح وأصلح واحد.

محسن: ربنا ينعم علك بالصحة ونشوفك بخير ان شاء الله.

مبارك: الله يخليك.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا