عمرو أديب: "أنا لو مكان السيسي مش هعمل مشاريع وهتحجج بالإرهاب"

كتبت-عبير القاضي:

قال الإعلامي عمرو أديب، "أنا لو رئيس جمهورية، مش هعمل المشاريع اللي الرئيس عبد الفتاح السيسي بيعملها، وهتحجج بالإرهاب ومحاربته، ولا حد كان هيقدر يكلمني."

وأضاف أديب خلال برنامجه "القاهرة اليوم" على فضائية اليوم أمس السبت، أن وزير السياحة دائما يصرح أن الإرهاب هو سبب قلة السياحة، "وكان ممكن السيسي يعمل زي وزير السياحة ما عمل".

وتابع أديب، "إن ما يتم إنجازه شيء مشرف، ومحدش من الناس بيفكر وكل العبء على القيادة السياسية، والرئيس كل شهر بيعمل مشروع، وأنا فعلا مش عارف هو بيجيب الفلوس منين، ولو جتلي الفرصة هسأله بيني وبينه هو منين الفلوس ديه كلها".

وأستكمل أديب قائلا: " مشروع الضبعه سيتم إنجازه بعد لما الرئيس يمشي، وهيكون في رئيس غيره".