لأول مرة في مصر.. شركة خاصة تطلب استدعاء ولي أمر أحد الموظفين - صورة

كتب- محمد عمارة:

"والدي ووالدتي كانوا مستغربين شوية في الأول وبيقولولي انت بتهرج، يعني إيه استدعاء ولي أمر موظف"، بهذه الكلمات حكى أبوبكر صابر، الموظف في شركة Shark And Shrimp، رد فعل أسرته بعد طلب شركته استدعاء ولي أمره؛ لحصوله على الموظف المثالي عن شهر أكتوبر الماضي.

يقول "صابر" لمصراوي: "هما جايين معايا النهاردة، وكل فترة بنعمل حاجة مطرقعة لأن كل اللي في الشركة شباب، وحاسس إني مبسوط جدا".

"محمد نعيم"، المدير التنفيذي للشركة قال لمصراوي، إن الشركة كانت حريصة على استدعاء ولي أمر "صابر" لإبلاغه بأن نجله هو الموظف المثالي والأكثر التزاما في الشركة عن الشهر الماضي.

ويضيف "نعيم": "إحنا شركة دعاية وإعلان، بقالنا سنتين في السوق، ولما بنلاقي الموظفين مكتئبين بنعمل ليهم حفلات، خاصة يوم الثلاثاء، لأن كل الناس بتبقى زهقانة منه، الأسبوع الجاي عاملين mommy's day لكل الموظفين".