السيسي: "المصريين بيقدموا ولادهم للجيش والشرطة بكل الحب"

كتب- محمد نصار:

أكد الرئيس عبدالفتاح السيسي، احترامه وتقديره لتضحيات شهداء الشرطة والجيش والشعب المصري، مطالباً خلال الاحتفال بعيد الشرطة رقم 67 بالوقوف تحية لهم.

وقال الرئيس السيسي، خلال الاحتفال بذكرى عيد الشرطة، اليوم الأربعاء، بحضور عدد من الوزراء وقيادات الدولة، إن هذا اليوم يعتبر من الأيام الصعبة عليه.

وتابع الرئيس: "أنا كنت لسه بقول إن اليوم ده بيبقى من الأيام الصعبة عليا، لكن الأمر العجيب إن خلال المرات اللي التقينا فيها مع أسر الشهداء، كل الأسر سواء كانوا أبناء أو زوجات أو آباء وأمهات، خلال السنين دي كلها لم ألتقي مرة كلمة واحدة غير الرضا والقبول والاستعداد الدائم للتضحية، وأنا صادق معكم، منهم اللي يقول أنا عندي شاب تاني واتنين نقدمهم لمصر".

وأضاف الرئيس السيسي: "البلد اللي أهلها كده، وأصل شعبها كده لا يمكن أبدًا إلا أن يتفضل الله تعالى علينا بالنصر والستر والسلامة، كل مرة أسمع الرضا والقبول الاستعداد للتضحية".

وأضاف الرئيس: "في الآخر هما مصريين من شعب مصر ومن كل حتة في مصر، علشان كده اللي بيقوم بالدفاع عن مصر مش إحنا لكن شعبها اللي قدم ولاده للجيش والشرطة وهما عارفين إن المرحلة صعبة وإن الابن ده ممكن يبقى شهيد أو مصاب، ورغم كده بكل الحب والتقدير بيقدموهم".