صديق العيسوي يعلن ترشحه لانتخابات نقابة الصحفيين

(مصراوي):

أعلن صديق العيسوي، الصحفي بجريدة التحرير، ترشحه في انتخابات التجديد النصفي لنقابة الصحفيين على مقعد العضوية "تحت السن".

وقال العيسوي، في كلمة مصورة عبر الفيديو: "أساتذتي وزميلاتي وزملائي الأعزاء.. كل سنة وأنتم طيبين، أنا مش هقول الكلام الكبير بتاع رشحت نفسي من أجل استعادة هيبة النقابة وكرامتها وقلعة الحريات والكلام اللي بيتنسى بعد ما يتقال بـ 5 دقائق ده.. أنا قررت أخوض انتخابات مجلس نقابة الصحفيين علشان أقدم حاجة ملموسة لزمايلي.. حاجة خدمية يستفيد منها شباب الصحفيين المطحونيين إللى محدش حاسس بيهم".

وأضاف: "للأسف فيه زملاء مرتباتهم 500 جنيه و700 والله فيه زملاء شباب مرتباتهم ماتعديش 1000 جنيه يعني حتى مش محصل الحد الأدنى للأجور.. وياريتهم عاجبين!".

وتابع: "مش عايز أطول وأقول كلام إنشاء كتير.. لذلك أولى خطواتي خلال الأيام المقبلة مقابلة عدد من الوزراء والمسئولين لتسهيل مهمة الصحفيين أثناء تأديتهم عملهم، وسأعلن عن جميع التفاصيل الخاصة بتلك المقابلات ونتائجها خلال الأيام القليلة القادمة".

واستطرد: "أتعهد بتقديم خدمات وتيسيرات لكل الزملاء عن طريق التواصل مع وزارات النقل والشباب والرياضة، والصحة ومحافظة القاهرة وهيئة النقل العام، وكذلك تقديم دورات ودبلومات مخفضة في أكاديميات مرموقة معتمدة من وزارة التعليم العالي بالقاهرة والإسكندرية، الكلام ده هيتعمل 70% منه قبل الانتخابات إن شاء الله.. أتمنى دعمك ومساندتكم فى انتخابات التجديد النصفي لعضوية مجلس النقابة تحت 15 سنة.. أخوكم صديق العيسوي".​