"لما تحس إنك مظلوم اشتغل".. السيسي يتحدث عن الوعي والتحدي

كتبت- ياسمين محمد:

قال الرئيس عبدالفتاح السيسي، إن قرارات رفع الأجور، ليست جنيًا لثمار الإصلاح الاقتصادي، مؤكدًا: "لسه بدري أوي".

جاء هذا خلال كلمته، باحتفالية عيد العمال، التي ينظمها اتحاد عمال مصر، اليوم الثلاثاء، بمحافظة الإسكندرية.

وقال الرئيس: "لو مصنع فيه مشاكل، في الإنتاج أو الأرباح والعمال مش بياخدوا حقوقهم، أوقفوا العمل، ياترى ده لصالحهم ولصالح مستقبل المصنع والعمالة اللي فيه ولا العكس؟".

وأضاف: "لما تزعل وتحس إنك مظلوم اشتغل أكتر، مش تخاصم، متخاصمش نفسك، كل ما هيكبر هتكبر معاه، اللي اتعمل خلال السنين اللي فاتت بجهدكم ووعيكم، بس ما تستنوش على كدا، الوعي والتوعية عملية مستمرة تنتقل منا إلى أبنائنا وأحفادنا، التحدي مستمر وقائم، وبالتالي محتاجين نوعي ولادنا وأحفادنا بأن السلامة والأمن والاستقرار والهدوء هي السبيل للدولة دي ولأي دولة في العالم لتتقدم وتنمو مش علشان الرئيس يقعد، لا، لو القضية اللي بيني وبينكم أني أكون هنا لا والله ، لكن القضية إن هي تفضل هي مصر".