السيسي لأبطال مسلسل الاختيار: "قولت جابوهم منين دول"

كتب- محمد نصار:

وجه الرئيس عبدالفتاح السيسي، التحية لأبطال مسلسل الاختيار لما بذلوه من جهد وأداء في إيصال رسالة العمل الفني إلى المواطنين داخل مصر وخارجها.

وقال السيسي، خلال كلمته لأبطال مسلسل الاختيار على هامش الندوة التثقيفية للقوات المسلحة بمناسبة ذكرى انتصارات حرب أكتوبر المجيدة، اليوم الأحد: "المسلسل الحقيقة كان صورة رائعة لواقع عشناه وبنعيشه وتمن دفعته مصر وأبنائها سواء للفكرة الخبيثة اللي العناصر دي بتقدمها أو للناس اللي بتقدم نفسها لبلدها".

وتابع الرئيس: "فاجئتوني لما خرجتم بسرعة كده، كل اللي اشترك واشتغل معاكم في المسلسل ده علشان يخرج بصورة رائعة فيها صديق حقيقي مش بس وصل للمصريين فقط، الوقائع اللي اتقدمت مفيهاش مبالغة بأي شكل من الأشكال حتى لو بعضها فيه قسوة لينا كمصريين، ولكل من اتفرج على المسلسل، كانت الرسالة لمصر ولخارج مصر".

وأكد الرئيس: "الشكر ليكم مش على الجهد المبذول ولكن على الفكرة اللي اتقدمت رائعة وعظيمة، خلال سنين كتير من تناول إعلامي لما يتم في سيناء لم تصل للناس زي ما عملتم، إيه المطلوب.. مطلوب كتير أوي، دلوقتي عايشين وحجم الإنجاز اللي ربنا ساعدنا فيه وكنا فين في 2011 و 2012 لحد دلوقتي، وحق الأجيال الحالية والقادمة يشوفوا مش نضال المصريين للحفاظ على بلدهم، يشوفوا أد إيه مصر قدمت".

وقال السيسي: "المنسي واللي زيه عند ربنا وخلاص وربنا اللي هيجازيهم، لينا فرصة ننقل كفاحهم واستشهادهم علشان نقول لكل بيت قدم شهيد متشكرين للي قدمتوه، إحنا عشنا وهما أسر فقدت أبنائها".

واختتم: "أشكرهم على أنهم استطاعوا يجسدوا الدور ده بكل معنى الكلمة، قولت هما جابوهم منين دول، قدمتوا صورة حقيقية ليهم، الصورة كانت صعبة وفي ناس بنبقى عايزين نمسكهم نحاسبهم أو نقاتلهم لو اضررنا وناس تانية بتروح عند ربنا سبحانه وتعالى علشان البد دي تعيش".