السيسي عن التجاوزات في العمران: "الأمة كالشامة" هل ده يرضي ربنا؟
الرئيس عبدالفتاح السيسي
كتب- يوسف عفيفي:
انتقد الرئيس عبدالفتاح السيسي، التجاوزات في العمران خلال السوات الماضية، قائلًا: "فين حالة الدولة؟ ده غياب للدولة والدولة مش حاضرة.. دي دولة مش موجودة".
وأضاف الرئيس السيسي في افتتاح المرحلة الأولى من مدينة المنصورة الجديدة اليوم الخميس: "يا جماعة إحنا محتاجين نعرف كويس قوي ليه إحنا بقينا كده.. دي بلدنا ولازم نخلي بالنا منها".
وتابع الرئيس السيسي: "أيام محمد علي كان نصيب الفرد فدان ولو كنا 4 مليون وكان عندنا 4 مليون فدان يبقى نصيب الفرد فدان.. وحالة الغنى تحولت لحالة فقر وعوز.. وتقول البلد سايبانا ليه؟ واليوم جميل وعيب لما نتكلم عن أيامنا الجميلة ونذكر بعضنا.. وبقول للدولة كلها سواء وزارة الصحة أو المجتمعات العمرانية أو المؤسسات الدينية يا جماعة ده يرضي ربنا".
واستطرد: "هل هي دي الأمة الشامة.. وده حديث للنبي محمد صلى الله عليه وسلم "أمة شامة" يعني علامة، الأمة دي علامة في الكلام والسلام والقيم والقدرة شامة في كل حاجة شطرين وبارزين".
وأضاف: عاوز أقول إذا ما كانتش مؤسسات الدولة بالكامل وزي ما قولنا قبل كده إحنا مش نصين إحنا واحد، إحنا مع بعض كلنا وبلدنا كلها لنا فيها زي بعض ولنا فيها زي بعض وبقولكم تاني كلام الدكتور عاصم لو نزل الجهاز المركزي للتعبئة والإحصاء وشاف حجم المباني ومشي على الدائري وشاف حجم العمارات اللي مبنية هيلاقي حجم المباني أكبر من الطلب اللي موجود في السوق هيلاقي إحساس بالغنى الزائف.
الرئيس #السيسي عن التجاوزات في العمران: "الأمة كالشامة" هل ده يرضي ربنا؟ #eXtranews pic.twitter.com/l7XppfuEYo
— eXtra news (@Extranewstv) December 1, 2022
فيديو قد يعجبك:
