مين يستحمل؟.. السيسي: إنتم فاهمين يعني إيه المنتجات الزراعية يزيد ثمنها مرتين تلاتة؟!

كتب- محمد نصار وأحمد السعداوي:

قال الرئيس عبد الفتاح السيسي، متحدثًا عن مجمع الأسمدة الآزوتية، إنه كان من المفترض أن نفتتح 6 مصانع بالعين السخنة في شهر ديسمبر؛ لكن بسبب الظروف سيكون الافتتاح في شهر فبراير أو مارس، وسينتج نحو 700 ألف طن أسمدة آزوتية؛ لمجابهة التطور اللي بنعمله.

وأضاف السيسي، خلال افتتاحه، اليوم الإثنين، مصنعَي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة: لما باقول كده يبقى لو باطلع الأسمدة اللي تكفيني وأصدَّر منها، إنتم شايفين كويس أوي، وباقول للمزارعين لو الأسعار للغاز اللي داخل في صناعة الأسمدة بيتسعر بالأسعار العالمية الكلام هيبقى غير كده خالص؛ لكننا حريصون على دعم استقرار الزراعة.

وتابع الرئيس السيسي: لو وزير البترول قال لي النهارده مش هاقدر أدي لمصانع الأسمدة الغاز بالثمن ده، وهازود ضعف أو ضعفين، يبقى مين يستحمل ده؟ والمزارع لما ياخده بسعر غالٍ هيغلِّي المنتجات والناس تشتري بأسعار غالية.

واستطرد الرئيس: إنتم فاهمين يعني إيه المنتجات الزراعية يزيد ثمنها مرتين تلاتة؟! مين يستحمل ده؟! بس خلّوا بالكم إن البلد إلى حد ما كيف هتقدر تجابه استمرار الحالة دي لسنة ولا اتنين تقدر تحافظ ما أمكن إن الأسعار ماتزدش.