السيسي: وجود استقرار ورضا مجتمعي هدفه الحفاظ على الشعب وليس الرئيس

كتب - محمود مصطفى:

قال الرئيس عبدالفتاح السيسي، إن المحافظة على حالة الاستقرار في البلاد، ووجود حالة من الرضا المجتمعي، الهدف منه الحفاظ على الشعب وليس الرئيس، مضيفا": لو دا محصلش هنضيع 100 مليون".

وأضاف خلال افتتاح مشروعات الإنتاج الحيواني والألبان والمجازر الآلية بمدينة السادات بمحافظة المنوفية، بحضور الرئيس السيسي، الإثنين:"عاوز اغير حياة الناس بفكرة، مستعدين نحط رقم ضخم لعملية لإحلال المواشي، إدوا للناس وراعوهم وخلوهم يعرفوا يغذوا كويس".

وتابع:"واحد يقول، انت بتقول إيه على التليفزيون، بقول عشان بلدي بحلم، بقوله عشان الناس عايز أغير حياتها، بحلم عشان فكرة، احنا مستعدين نحط رقم ضخم لإحلال المواشي، إدوا للناس وراعوهم ويغذوا كويس، وفي الآخر خدوا منهم المنتج، المليون رأس ممكن حد يقولك ده رقم كبير، في دولة زي مصر متشتغلش أقل من كده، تفضل تحشد في قدراتك، ده يضاعف إنتاج اللحوم بفكرة، طب تقولي هنجيب منين ده بالدولار، طب انت هتغلب نفسك وتغلبنا معاك، ده حلم من مليون حلم".

وتابع:"هنعمل إجراءات علشان حزمة كاملة من النتائج تتحقق، المليون رأس ممكن حد يقول دا رقم كبير، في دولة زي مصر ما تحلمش أكتر من كده".

وأضاف:"المواطن لو الضغط زاد عليه هيعمل ايه؟، الظروف الحالية لو مش موجودين و حاسين بالناس ونخفف عنهم، كنا هنبقى في مشكلة، الموضوع ضاغط، مافيش عندنا نقص في حاجة".

وقال الرئيس:" نشكر المزارعين اللي ورودا القمح حتى الآن، ولو فيه فرصة لمزيد من التسليم للقمح بدل ستة أشهر يبقى تسعة، ما نعرفش الدنيا رايحة فين؟، خلوا بالكوا فضل كبير من ربنا ان أزمتين كبار سواء كان كورونا أو الأزمة الاقتصادية".

وتابع الرئيس:"أما تلاقوا الدخل تريليون دولار ابقوا حاسبوني، بنام وبحلم ده، وبعشرة تريليون كمان، وليس ذلك ببعيد على الله، ما عندناش مشكلة في حاجة، الحاجة موجودة بزيادة علشان دي مصر، علشان ربنا بيعطف علينا وبيراضينا وهيراضينا".