السيسي عن مواجهة المشككين: "أعرضوا كلامهم وضحكونا عليه"

كتب- أحمد عبدالمنعم:

طالب الرئيس عبد الفتاح السيسي بالرد بشكل موضوعي وكامل على حملات التشكيك في جهود الدولة المصرية.

وقال الرئيس السيسي، خلال تدشين عدد من المشروعات بقناة السويس: اللي يهمنا نتكلم عن الحالة اللي بتتعمل معاكم يا مصريين هما دايما واخدينكم في حتة وإحنا باين علينا مش عارفين ندافع عن نفسنا كويس، اللي بيتكلم في الموضوع لازم نتكلم في موضوع موضوع ونجيب التعليقات اللي اتعملت عنه.

وتابع الرئيس: بيقولك إيه، ده مش عارف علشان يشكك في المشروع، ما تجيبوا الكلام ده من الجرائد المناوئة وقتها واللي اتقال في الإعلام المناوئ واللي طلع على مواقع التواصل الاجتماعي، هات اللى قالوه كله وضحكونا على اللي قالوه، واتكلموا عليه كل ده مثال حي لأنهم عايزين يأثروا عليكم، ازاي هما عايزين يخوفوكم!.

وواصل السيسي: كل موضوع بنتكلم فيه لية خلفية وناس بتتكلم فيه على مواقع التواصل الاجتماعي ولما نيجي ندافع عنه ندافع عنه بالصح نجيب اللي اتقال علينا ونحطه على الشاشة نشوفه هو ده اللي اتقال علينا وده علشان الناس في مصر علشان الناس البسيطة اللي في الشارع تفهم أنها مستهدفة لأنهم معندهمش غير كدة التشكيك والأكاذيب.