البلد دي عاوزة 70 تريليون والصعيد ليس مهمشًا.. أبرز تصريحات السيسي في افتتاح مشروعات سوهاج

كتب- يوسف عفيفي:

افتتح الرئيس عبدالفتاح السيسي، اليوم الخميس، عددًا من المشروعات التنموية في محافظة سوهاج.

ووجه الرئيس السيسي، العديد من الرسائل المهمة خلال افتتاح المشروعات التنموية والتي يتسعرضها مصراوي في التقرير التالي:

- الصعيد لم يكن مهمشا أو منسياً، لكن الدولة لم تكن قادرة على تنفيذ طموحات الأهالي بتلك المحافظات.

- الدولة تحتاج 70 تريليون جنيه استثمارات لتنفيذ المشروعات لتحقيق المطلوب من عملية التطوير في البلاد.

- البلد دي عاوزة 70 تريليون مش 7 تريليون ويارب يعلمنا ويفهمنا إن إحنا نشوف واللي نشوفه نفهمه.

- ما يتم إنجازه هو توفيق من الله أولا ومحاولة لتطوير الفكر وحل المشكلات بمسار غير تقليدي"، مؤكدا أنه دائما متحمس للفكرة لأنها من الممكن أن تحل مسألة لا يتم حلها بالمسار التقليدي.

- اللي بنعمله في سوهاج 100 وحاجة مليار طيب في كام محافظة واللي ناقص أد إيه!، طيب واللي اتعمل تشغيله بكام، لو عملت مكتب بريد أو مدرسة أو مستشفى تشغلهم بكام وتحافظ عليهم بكام، كل يوم وكل شهر وكل سنة.

- لو أنتم ماخدتوش بالكم يا شباب مصر، اللي بنقوله محاولة الوصول للأرقام الطبيعية بالنسبة للمعدلات العلمية اللي بتقول نعمل كام مدرسة لكل كام طالب، أنت ماشي في سباق.

- أنت الأول عايز تسد الفجوة بين اللي موجود واللي مفروض يكون موجود ثم كل سنة تعمل الحجم المطلوب للقادم.

- لو بيدخل في التعليم النهاردة 2 مليون أو مليون شخص يبقى عايز تزود كام فصل 60 ألف ده بفرضية إن إحنا قفلنا الفجوة الحالية، طيب الفصل بكام، لو عايز أعمل 60 ألف فصل عايز على الأقل 60 مليار جنيه ثم أحط معاهم المدرس والطقم الإداري بكام ومنين.

- أنا أعرف كويس يعني إيه قرش، وأعرف يعني إيه دولة، ولازم نكون فاهمين إن لو إحنا مستمرين بالطريقة دي كل الجهد اللي هيتعمل مش كفاية.

- أنا بتابع السوشيال ميديا وتعليقات كل الناس، بيقولوا يا كامل يا وزير مش كفاية أسفلت بقى!، ورد الرئيس السيسي: ده أول حاجة تتعمل الأسفلت، شبكة الطرق علشان نوصل ليكم وتوصلوا لينا الناس اللي بتقول كده مشافتش أهالينا عايشين إزاي وبيمشوا إزاي.

- ووجه الرئيس السيسي، صندوق تحيا مصر، بتوفير التمويل اللازم لعدد من الشباب من أبناء محافظة سوهاج من أجل تنفيذ مشروعات متنوعة عرضوها أمام الرئيس.

- قدامي 6 نماذج الـ 6 دول 50% من أفكارهم ممكن يجيبوا نتيجة ممكن، وممكن الـ 100% يجيبوا نتيجة.

- بأقول ده لينا إحنا نحلم ونجري على حلمنا ونصدق إن ممكن يحصل فيه نجاح، مش نقول كلام، قبل ما تمشوا الدعم موجود والأرقام اللي ماتتخيلوهاش موجودة.

- كل واحد هيحتاج إيه مثلا، مليون أو 2 أو 3 علشان الكلام اللي بتقولوه ينجح مش كفكرة لكن ينجح كمشروع، إحنا جاهزين، بأقول مبدئيا الأرقام اللي ماتحلموش بيها هتتوفر ليكم مش من جيب الحكومة، طيب ليه مش من جيب الحكومة، لأن أنا مرتب ترتيبات تانية.