نفسي في حاجة بناتي يناموا عليها .. "باب الرضا" يكشف معاناة الحاجة سامية - فيديو

كتب- محمد أبو بكر:

عرض برنامج "باب الرضا"، الذي يقدمه الزميل محمد سامي، رئيس قسم الأخبار بموقع "مصراوي"، بالتعاون مع مؤسسة مصر الخير، تقريرًا مصورًا مع الحاجة "سامية"، وهي أرملة ولديها 3 فتيات وأمنيتها علاج ابنتها.

وقالت الحاجة سامية:"لدي 3 بنات بيتعلموا، وبنتي "شهد" تعبانة ومريضة وعايزة علاج مخ وأعصاب ومش قادرة أوصل لأي حاجة".

وانهمرت الحاجة سامية بالبكاء، قائلة: "أنا مش قادرة على العلاج نهائيًا، ومعنديش حاجة أعملهالها، وأنا ببيع شوية خضرة وبلاستيك واللي جاي على قد اللي رايح علشان الحياة غالية".

وتابعت: نفسي في حاجة البنات تنام عليها، وبدعي ربنا يشفي كل مريض ويشفي بنتي من اللي فيه، وعايزة بنتي تخف بس مش عايزة حاجة تانية.